৪গৰাকী চিকিৎসকৰ ভিতৰত ৩গৰাকী চিকিৎসকে প্ৰকাশ কৰা অনুসৰি বেছিভাগ হৃদৰোগীৰ বয়স ৫০ বছৰৰ তলৰ, টাটা এআইজিৰ সমীক্ষাত প্ৰকাশ

ভাৰতৰ অন্যতম শীৰ্ষ সাধাৰণ বীমা প্ৰদানকাৰী সংস্থা টাটা এআইজি জেনেৰেল ইঞ্চুৰেন্স কোম্পানী লিমিটেডে আজি প্ৰায় ৩০০গৰাকী হৃদৰোগ বিশেষজ্ঞৰ মাজত চলোৱা এক ৰাষ্ট্ৰজোৰা সমীক্ষাৰ ফলাফল প্ৰকাশ কৰিছে। ইয়াত ভাৰতৰ যুৱ সমাজত গুৰুতৰ হৃদৰোগৰ এক ভয়াৱহ প্ৰবণতা প্ৰকাশ পাইছে, যাৰ লগত ৰোগৰ প্ৰাৰম্ভিক সতৰ্ক সংকেত সম্পৰ্কে ব্যাপক অজ্ঞতা আৰু আৰ্থিকভাৱে সাজু নোহোৱাৰ দিশটোও জড়িত হৈছে। এই সমীক্ষাটোৱে বিগত দশকটোত হৃদযন্ত্ৰৰ যত্নৰ ক্ষেত্ৰখনত হোৱা এক নাটকীয় পৰিৱৰ্তনৰ দিশটো প্ৰকাশ কৰিছে। অধ্যয়নটোৱে দেখুৱাইছে যে হৃদৰোগে কেনেকৈ বৰ্ধিত হাৰত ভাৰতৰ যুৱ সমাজক আক্ৰমণ কৰিছে: ৭৪% চিকিত্সকে কয় যে তেওঁলোকৰ বেছিভাগ ৰোগী ৫০ বছৰৰ তলৰ। আনহাতে, ৩৬% চিকিত্সকে ৩১-৪০ বছৰ বয়সৰ ৰোগী দেখা পোৱাৰ লগতে ৩৮% চিকিত্সকে ৪১-৫০ বছৰ বয়সৰ ৰোগী লক্ষ্য কৰিছে। এই অৱস্থা ১০ বছৰৰ পূৰ্বৰ চিত্ৰৰ সম্পূৰ্ণ বিপৰীত, সেই সময়ছোৱাত ৮৭% ৰোগী ৪১ বছৰ বা তাতকৈ অধিক বয়সৰ ব্যক্তিসকল আক্ৰান্ত হৈছিল।

সমীক্ষাৰ ফলাফলৰ বিষয়ে সদৰি কৰি গ্ৰাহক দাবী শাখাৰ ৰাষ্ট্ৰীয় মুৰব্বী তথা জ্যেষ্ঠ কাৰ্যবাহী উপাধ্যক্ষ ৰাজগোপাল ৰুদ্ৰৰাজুৱে কয় যে, “বিশ্ব হৃদ দিৱসত এই কথা স্বীকাৰ কৰাটো গুৰুত্বপূৰ্ণ যে ভাৰতৰ হৃদযন্ত্ৰৰ প্ৰত্যাহ্বান সমান্তৰালভাৱে চিকিৎসা আৰু আৰ্থিকভাৱেও প্ৰত্যাহ্বান। যুৱক-যুৱতীৰ মাজত বৰ্ধিত হাৰত হোৱা ৰোগে পৰিয়ালবৰ্গক প্ৰায়ে আৱেগিক আৰু অৰ্থনৈতিকভাৱে বিমোৰত পেলায় কিয়নো তেওঁলোক সাজু হৈ নাথাকে।” আশ্চৰ্যৰ বিষয় যে, ৭৮% চিকিত্সকে সদৰি কৰিছে যে ৰোগীয়ে বুকুৰ বিষ বা অস্বস্তিক স্পষ্টভাৱে উপেক্ষা কৰে, যি হৃদৰোগৰ আটাইতকৈ গুৰুত্বপূৰ্ণ প্ৰাৰম্ভিক সতৰ্ক সংকেত।

এই জৰীপটোৱে ভাৰতৰ বৰ্ধিত হৃদৰোগৰ ঘটনাৰ আঁৰৰ প্ৰাথমিক চালক হিচাপে অস্বাস্থ্যকৰ আহাৰৰ সৈতে উচ্চ চাপ চিনাক্ত কৰিছে।  আনহাতে ৩৯% চিকিৎসকে প্ৰকাশ কৰিছে যে উন্নত চিকিৎসা প্ৰধান মহানগৰ অঞ্চলৰ বাহিৰত সীমিত হৈ আছে, ৫৯% লোকে সূচায় যে ৪০%তকৈও কম ৰোগী উন্নত হৃদযন্ত্ৰৰ চিকিৎসাৰ বাবে আৰ্থিকভাৱে সজ্জিত।  উদ্যোগৰ প্ৰতিবেদন অনুসৰি, হৃদযন্ত্ৰৰ ৰোগ (চিভিডি) ভাৰতত মৃত্যুৰ অন্যতম মুখ্য কাৰণ হৈ আছে, যাৰ অধিকাংশই ৪০-৬৯ বছৰ বয়সৰ ব্যক্তিৰ মাজত সংঘটিত হয়।  চিভিডি-ৰ বৰ্ধিত প্ৰাদুৰ্ভাৱ উচ্চ ৰক্তচাপ, ডায়েবেটিছ আৰু মানসিক চাপৰ দৰে জীৱনশৈলীৰ কাৰকসমূহৰ সৈতে ঘনিষ্ঠভাৱে জড়িত।