শ্লাইচ ভাৰতৰ আগশাৰীৰ টেক-চালিত বেংক গঠন কৰিবলৈ এন ই এছ এফ বিৰ সৈতে একত্ৰিত হয়

দেশৰ আগশাৰীৰ গ্ৰাহক পেমেণ্ট আৰু ঋণ প্ৰদানকাৰী প্ৰতিষ্ঠান শ্লাইচে সকলো প্ৰয়োজনীয় শ্বেয়াৰহোল্ডাৰ আৰু নিয়ন্ত্ৰণমূলক অনুমোদন লাভ কৰাৰ পিছত ২০২৪ চনৰ ২৭ অক্টোবৰৰ পৰা কাৰ্যকৰী হোৱাকৈ নৰ্থ-ইষ্ট স্মল ফাইনেঞ্চ বেংক(এনইএছএফবি)ৰ সৈতে একত্ৰিকৰণ সফলতাৰে সম্পূৰ্ণ কৰিছে। এই চামিলকৰণে দুয়োটা সত্তাৰ কাৰ্য-কলাপ, সম্পদ আৰু ব্ৰেণ্ড পৰিচয়ক একক, সংহত বেংকিং প্ৰতিষ্ঠান ৰূপে একত্ৰিত কৰিলে।

একত্ৰিকৰণ সন্দৰ্ভত উৎসাহেৰে নিজৰ অনুভৱ ব্যক্ত কৰি শ্লাইচৰ প্ৰতিষ্ঠাপক আৰু মুখ্য কাৰ্যবাহী বিষয়া ৰাজন বাজাজে কয় যে, “এবছৰৰো অধিক সময় ধৰি শ্লাইচ আৰু এনইএছএফবিৰ দলে এই একত্ৰিকৰণ বাস্তৱায়িত কৰিবলৈ যথেষ্ট পৰিশ্ৰম কৰিছে। আমি বিশেষকৈ উত্তৰ-পূবত আমাৰ শিপা শক্তিশালী কৰিবলৈ প্ৰতিশ্ৰুতিবদ্ধ, লগতে অঞ্চলটোৰ অধিক লোকক আনুষ্ঠানিক বেংকিং প্ৰণালীলৈ আনিবলৈ প্ৰয়াস কৰিছোঁ। আমি আমাৰ কাৰ্য-কলাপৰ ভেটি হিচাপে শক্তিশালী বিপদাশংকা ব্যৱস্থাপনা আৰু সুশাসন বজাই ৰাখি ব্যতিক্ৰমী গ্ৰাহকৰ অভিজ্ঞতা প্ৰদান কৰাৰ ওপৰত সদায়ে শক্তিশালী গুৰুত্ব প্ৰদান কৰিম।”

এই একত্ৰিকৰণে দেশৰ স্থানীয় গ্ৰাহকৰ বাবে অভিনৱ বেংকিং সমাধানৰ সুবিধা লাভ কৰাৰ উল্লেখযোগ্য সুযোগ প্ৰদান কৰিছে। চেভিংছ একাউণ্ট আৰু ক্ৰেডিট বিকল্পকে ধৰি বহুতো সামগ্ৰী প্ৰৱৰ্তনৰ পৰিকল্পনাৰে এই একত্ৰিত সত্তা অঞ্চলটোৰ বিকশিত বিত্তীয় প্ৰয়োজনীয়তাসমূহ পূৰণ কৰিবলৈ, অৰ্থনৈতিক উন্নয়নক লাভান্বিত কৰিবলৈ আৰু গ্ৰাহকৰ সংযোগ বৃদ্ধি কৰিবলৈ সুস্থিৰ অৱস্থাত আছে।