ঋতুভিত্তিক পৰিৱৰ্তনৰ বাবে শক্তিশালী ৰোগ প্ৰতিৰোধ ক্ষমতাৰ প্ৰয়োজন: জীৱনশৈলীৰ সৰল সালসলনিৰ পৰামৰ্শ বিশেষজ্ঞৰ

চহৰখন লাহে লাহে শীতৰ ঋতুলৈ পৰিৱৰ্তিত হোৱাৰ লগে লগে স্বাস্থ্য বিশেষজ্ঞসকলে ঋতুভিত্তিক ৰোগ প্ৰতিৰোধৰ বাবে ৰোগ প্ৰতিৰোধ সামৰ্থ্য বৃদ্ধিৰ ওপৰত গুৰুত্ব দিবলৈ আহ্বান জনাইছে। উষ্ণতাৰ উঠা-নমা, এলাৰ্জেন বৃদ্ধি আৰু জীৱনশৈলীৰ পৰিৱৰ্তনে শৰীৰৰ প্ৰতিৰক্ষাৰ ক্ষেত্ৰত আপোচ কৰিব পাৰে, যাৰ ফলত মানুহ চৰ্দি, ফ্লু আৰু ভাগৰুৱা হোৱাৰ সম্ভাৱনা বেছি।নতুন দিল্লীৰ মেক্স হেলথকেয়াৰৰ ডায়েটেটিক্সৰ আঞ্চলিক মুৰব্বী পুষ্টিবিদ ঋত্বিকা সমাদ্দাৰে পৰামৰ্শ দি কয় যে, “এই পৰিৱৰ্তনশীল সময়ছোৱাত আপোনাৰ ৰোগ প্ৰতিৰোধ সামৰ্থ্য শক্তিশালী কৰাটো স্বাস্থ্যৱান আৰু শক্তিশালী হৈ থকাৰ মূল চাবিকাঠি। এক সন্তুলিত আহাৰ, সচেতন অভ্যাস আৰু নিয়মীয়া শাৰীৰিক কাৰ্য-কলাপে এক শক্তিশালী ৰোগ প্ৰতিৰোধ প্ৰণালীৰ ভেটি গঠন কৰে। সমাদ্দাৰে পুষ্টি সমৃদ্ধ খাদ্য যেনে সেউজীয়া শাক-পাচলি, চৰ্বিযুক্ত মাছ আৰু কেলিফৰ্নিয়া আলমণ্ড আদি অন্তৰ্ভুক্ত কৰাৰ পৰামৰ্শ দিয়ে, যিবোৰত ভিটামিন ই, জিংক, আৰু কপাৰ-ৰোগ প্ৰতিৰোধ ক্ষমতাৰ বাবে প্ৰয়োজনীয় খনিজ পদাৰ্থ অধিক থাকে।

গুৱাহাটীৰ স্থানীয় বজাৰত আলমণ্ড, চালমন আৰু সতেজ উৎপাদিত সামগ্ৰীকে ধৰি ৰোগ প্ৰতিৰোধ সামৰ্থ্য বৃদ্ধি কৰা খাদ্যৰ চাহিদা উল্লেখযোগ্যভাৱে বৃদ্ধি পাইছে। ঋতু পৰিৱৰ্তনৰ বাবে প্ৰস্তুতি চলোৱাৰ বাবে বাসিন্দাসকলে স্বাস্থ্য-কেন্দ্ৰিক সামগ্ৰীসমূহ মজুত কৰি ৰখাৰ ফলত খুচুৰা বিক্ৰেতাসকলৰ বিক্ৰী বৃদ্ধি হোৱাৰ খবৰ পোৱা গৈছে।

আন প্ৰতিৰোধমূলক ব্যৱস্থাসমূহৰ ভিতৰত হাইড্ৰেটেড হৈ থকা, ৭–৮ ঘণ্টা টোপনিত অগ্ৰাধিকাৰ দিয়া আৰু লঘু বা পাতলীয়া ব্যায়াম যেনে দ্ৰুত খোজ কঢ়া বা ষ্ট্ৰেচিং কৰা আদি অন্তৰ্ভুক্ত। বিশেষজ্ঞসকলে জোৰ দি কয় যে, দৈনিক সৰু সৰু পদক্ষেপেও শৰীৰৰ স্থিতিস্থাপকতা যথেষ্ট বৃদ্ধি কৰিব পাৰে, যাৰ ফলত বাসিন্দাসকলে অনুকূল স্বাস্থ্য বৰ্তাই ৰখাৰ লগতে ঋতু বা সময়খিনি উপভোগ কৰাটো নিশ্চিত কৰিব পাৰে।