ৰয়েল ষ্টেগ বুমবক্সৰ বহু প্ৰত্যাশিত চতুৰ্থ সংস্কৰণৰ আৰম্ভণি কৰে

ছিগ্ৰামৰ ৰয়েল ষ্টেগ কিকে ২১ ফেব্ৰুৱাৰীত কলকাতাৰ একুৱাটিকা গ্ৰাউণ্ডত হাই ভল্টেজ অপেনিং নাইট আয়োজন কৰি ৰয়েল ষ্টেগ বুমবক্স – দ্য অৰিজিনেল চাউণ্ড অৱ জেনেৰেচন লাৰ্জৰ চতুৰ্থ সংস্কৰণৰ শুভাৰম্ভণি কৰে। চাৰিখন চহৰত অনুষ্ঠিত হ’ভ লগা এই মহোৎসৱে বলীউডৰ সুৰ আৰু হিপ-হপ বিটৰ লগতে নিমজ্জিত কলা, সংস্কৃতি আৰু গেমিং অভিজ্ঞতাকো সামৰি লয়। সমাৰোহথলী বহু সংবেদনশীল খেলপথাৰলৈ ৰূপান্তৰিত হোৱাৰ লগে লগে হাজাৰ হাজাৰ অনুৰাগীৰে ভৰি পৰিছিল য’ত স্পন্দনশীল ইনষ্টলেচন,নিৰ্বাচিত খাদ্যসম্ভাৰ আৰু ইণ্টাৰেক্টিভ জ’ন আদিৰ সুবিধা আছিল।

পায়াল ধাৰেৰ নেতৃত্বত লাইভ গেমিং ফেচ অফৰ জৰিয়তে সন্ধিয়াৰ আৰম্ভণি ঘটে, তাৰ পিছত ডিজে চাহিল গুলাটিৰ এনাৰ্জেটিক অনুষ্ঠানৰ আৰম্ভণি ঘটে। ৰেপাৰ ডিনো জেমছে শক্তিশালী অভিনয়েৰে সকলোকে মুগ্ধ কৰাৰ বিপৰীতে জনপ্ৰিয় ৰক বেণ্ড ফচিলে ঘৰুৱা পৰিৱেশত নতুনত্বৰ চমক আনি দিয়ে। মূল আকৰ্ষণ আৰমান মালিকে নিজৰ সংগীতৰ তালিকাত শীৰ্ষস্থান দখল কৰা হিট গীতসমূহ পৰিবেশন কৰি সাংগাতিক ফিনালেৰে নিশাটোৰ সামৰণি মাৰে। আৰমান মালিকে কয় যে এই মঞ্চখনে বিভিন্ন ধাৰা আৰু প্ৰজন্মৰ মানুহক একত্ৰিত কৰা সংগীতক উদযাপন কৰে। ফচিলে এই অনুষ্ঠানটো ভাৰতৰ বিকশিত শব্দৰ প্ৰতিনিধিত্ব বুলি অভিহিত কৰিছে, য’ত ধাৰাবোৰে সহযোগিতা কৰে। 

ডিনো জেমছে কলকাতাৰ অনুষ্ঠানটোক বৈদ্যুতিক বুলি বৰ্ণনা কৰিছে, আনহাতে ডিজে চাহিল গুলাটি আৰু পায়েল ধাৰেই সংগীত আৰু গেমিঙৰ সংমিশ্ৰণক ছিজন ৪-ৰ এক নিৰ্ধাৰিত বৈশিষ্ট্য হিচাপে আলোকপাত কৰিছে।  পৰৱৰ্তী সময়ত অহা ৭ মাৰ্চত ভিজাগ, ২১ মাৰ্চত মুম্বাই আৰু ২৮ মাৰ্চত মোহালিত অনুষ্ঠিত কৰিব এই মহোৎসৱ।