ৰোহিত শৰ্মাৰ অধিনায়কত্বত চতুৰ্থ আইচিচি ফাইনেলত উপনীত ভাৰত

ছেম্পিয়নছ ট্ৰফী ২০২৫ত ভাৰত অপৰাজয় হৈ আছে। ৰোহিত শৰ্মাৰ অধিনায়কত্বত, ভাৰতীয় দলটোৱে ভাল প্ৰদৰ্শন কৰিছে আৰু চেম্পিয়নছ ট্ৰফীৰ ফাইনেলত স্থান সুৰক্ষিত কৰিছে, য’ত তেওঁলোকে ৯ মাৰ্চত নিউজিলেণ্ডৰ মুখামুখি হ’ব। ভাৰতে ১৪তম বাৰৰ বাবে আইচিচি টুৰ্ণামেণ্টৰ ফাইনেলত উপনীত হৈছে আৰু এতিয়ালৈকে মুঠ ১৩ খন আইচিচি ফাইনেল খেলিছে। শেহতীয়া বছৰবোৰত, আইচিচি টুৰ্ণামেণ্টত ভাৰতীয় দলৰ প্ৰদৰ্শন ভাল হৈছে। যদিও ভাৰতে যোৱা ১২ বছৰত মাত্ৰ এটা আইচিচি খিতাপ জিকিছে, কিন্তু দলটোৱে নকআউট পৰ্যায়ত উপনীত হৈ আহিছে। ভাৰতে প্ৰথমে ১৯৮৩ চনত আইচিচিৰ ফাইনেলত উপনীত হৈছিল আৰু তেতিয়া খিতাপো দখল কৰিছিল। ভাৰতীয় দলটোৱে কপিল দেৱৰ অধিনায়কত্বত ১৯৮৩ চনৰ এদিনীয়া বিশ্বকাপৰ খিতাপ জিকিছিল। তাৰ পিছত, ভাৰতে সৌৰভ গাংগুলীৰ অধিনায়কত্বত ২০০০ আৰু ২০০২ চনত চেম্পিয়নছ ট্ৰফীৰ ফাইনেলত উপনীত হৈছিল।

ভাৰতীয় দলটোৱে এদিনীয়া বিশ্বকাপ ২০০৩ ৰ চূড়ান্ত খেলো খেলিছিল। গাংগুলীৰ অধিনায়কত্বত, ভাৰতীয় দলে চেম্পিয়নছ ট্ৰফী ২০০২ খিতাপ জিকিছিল। সেই সময়ত, টীম ইণ্ডিয়া যুটীয়া বিজয়ী আছিল। বৰষুণৰ বাবে চূড়ান্ত খেলখন অনুষ্ঠিত হ’ব নোৱাৰিলে। এই কাৰণে, ভাৰত আৰু শ্ৰীলংকাক যুটীয়া বিজয়ী ঘোষণা কৰা হৈছিল। মহেন্দ্ৰ সিং ধোনীৰ অধিনায়কত্বত ভাৰতীয় দলে টি-২০ বিশ্বকাপ ২০০৭, টি-২০ বিশ্বকাপ ২০১৪, এদিনীয়া বিশ্বকাপ ২০১৩ আৰু চেম্পিয়নছ ট্ৰফী ২০১৩ৰ ফাইনেলত খেলিছিল। তেওঁৰ নেতৃত্বত টীম ইণ্ডিয়াই নতুন উচ্চতাত উপনীত হয় আৰু সমগ্ৰ বিশ্বতে তেঁওলোকৰ ছাপ বজাই ৰাখে। ধোনীৰ অধিনায়কত্বত ভাৰতে তিনিটা আইচিচি খিতাপ জিকিছিল।

ৰোহিত শৰ্মাৰ অধিনায়কত্বত ভাৰতে এতিয়ালৈকে তিনিখন আইচিচি ফাইনেল খেলিছে, যাৰ ভিতৰত আছে বিশ্ব টেষ্ট চেম্পিয়নশ্বিপ ২০২৩, এদিনীয়া বিশ্বকাপ ২০২৩, আৰু টি-২০ বিশ্বকাপ ২০২৪, আৰু চতুৰ্থ আইচিচি ফাইনেলত উপনীত হৈছে। ৰোহিতৰ অধিনায়কত্বত টীম ইণ্ডিয়াই ও টি-২০ বিশ্বকাপ ২০২৪ জিকিছিল আৰু ফাইনেলত দক্ষিণ আফ্ৰিকাক পৰাস্ত কৰিছিল। ভাৰতে এতিয়ালৈকে ১৩ টা আইচিচি ফাইনেল খেলিছে, যাৰ ভিতৰত তেওঁলোকে মুঠ ৬ টা আইচিচি খিতাপ জিকিছে। ইয়াৰ ভিতৰত আছে এদিনীয়া বিশ্বকাপ ১৯৮৩, ২০১১, চেম্পিয়নছ ট্ৰফী ২০০২, ২০১৩, টি-২০ বিশ্বকাপ ২০০৭, আৰু টি-২০ বিশ্বকাপ ২০২৪।