পেৰিছ পেৰালিম্পিকত প্ৰীতি পালৰ দ্বিতীয়টো ব্ৰঞ্জ পদক অৰ্জন

ভাৰতীয় পেৰা-এথলীট প্ৰীতি পালে মহিলাৰ ২০০ মিটাৰ টি-৩৫ প্ৰতিযোগিতাত ব্ৰঞ্জৰ পদক অৰ্জন  কৰে। প্ৰীতিয়ে ফাইনেলত তেওঁৰ সৰ্বশ্ৰেষ্ঠ প্ৰদৰ্শন প্ৰস্তুত কৰি ৩০.০১ ছেকেণ্ডত দৌৰ সম্পূৰ্ণ কৰে আৰু পোডিয়াম স্থান লাভ কৰাত সফল হয়।পেৰিছ পেৰালিম্পিকত প্ৰীতিৰ এইটো দ্বিতীয় পদক। ইয়াৰ পূৰ্বে, তেওঁ মহিলাৰ ১০০ মিটাৰ টি৩৫ শ্ৰেণীত ব্ৰঞ্জৰ পদক জিকিছিল। ২৩ বছৰীয়া এথলীটগৰাকীৰ ব্ৰঞ্জৰ পদক পেৰিছত ভাৰতৰ দ্বিতীয়টো পেৰা-এথলেটিকছ পদকো আছিল।

ইয়াৰ পূৰ্বে, প্ৰীতিয়ে ১০০ মিটাৰ ইভেণ্টতো পদক জিকিছিল। টি৩৫-ত হাইপাৰটোনিয়া, এটেক্সিয়া আৰু এথেটোচিছৰ দৰে সমন্বয়মূলক বিকাৰ থকা এথলীটসকল আছে। প্ৰীতি পালে মহিলাৰ টি৩৫ ১০০ মিটাৰ ইভেণ্টত ১৪.২১ ছেকেণ্ডৰ ব্যক্তিগত শ্ৰেষ্ঠ সময়ৰ সৈতে ব্ৰঞ্জৰ পদক জিকিছিল। ১৯৮৪ সংস্কৰণৰ পৰা ভাৰতে এথলেটিকছত যি পদক জিকিছে, সেই সকলোবোৰ ফিল্ড ইভেণ্টত আহিছে।

উত্তৰ প্ৰদেশৰ মুজাফ্ফৰনগৰৰ এগৰাকী কৃষকৰ কন্যা প্ৰীতিয়ে পেৰালিম্পিকৰ দ্বিতীয় দিনা ভাৰতৰ এথলেটিকছ পদকৰ একাউণ্ট খুলিছিল আৰু এতিয়া তেওঁ পুনৰ এবাৰ ব্ৰঞ্জৰ পদকলৈ জিনিবলৈ সক্ষম হৈছে। মে’ মাহত বিশ্ব পেৰা এথলেটিকছ চেম্পিয়নশ্বিপত একেটা ইভেণ্টত ব্ৰঞ্জ জয় কৰি প্ৰীতি পেৰিছলৈ আহিছিল।