অভিনেতা ছলমান খানৰ বিৰুদ্ধে সৰৱ হৈ পৰিছে চুবুৰীয়া ৰাষ্ট্ৰ পাকিস্তান

অভিনেতা ছলমান খানৰ বিৰুদ্ধে সৰৱ হৈ পৰিছে চুবুৰীয়া ৰাষ্ট্ৰ পাকিস্তান। শেহতীয়াকৈ বেলুচিস্তান সন্দৰ্ভত অভিনেতাগৰাকীয়ে কৰা মন্তব্যৰ পাছতে এতিয়া পাকিস্তানে প্ৰতিক্ৰিয়া প্ৰকাশ কৰিছে। সন্ত্ৰাসবাদী আখ্যা দিছে ছলমানক।জানিব পৰা মতে, কিছুদিন পূৰ্বে চৌদি আৰৱত অনুষ্ঠিত হোৱা JOY FORUM 2025 নামৰ অনুষ্ঠানটোত উপস্থিত আছিল ছলমান খান। সেই সময়ত তেওঁ বেলুচিস্তান সন্দৰ্ভত দিয়া মন্তব্য এতিয়া সামাজিক মাধ্যমত ভাইৰেল হৈ পৰিছে। ছলমানে বেলুচিস্তান আৰু পাকিস্তানক পৃথক বুলি অভিহিত কৰিছিল। যাৰ বাবে ক্ষোভিত হৈ পাকিস্তানে এজাহাৰ দাখিল কৰিছে। ছলমানক সন্ত্ৰাসবাদী আখ্যা পাকিস্তানৰ।শেহতীয়াকৈ বেলুচিস্তান সন্দৰ্ভত ছলমানে দিয়া মন্তব্যৰ পাছতে দেশখনে অসন্তুষ্টি প্ৰকাশ কৰি এজাহাৰ দাখিল কৰিছে। এই এহাজাৰ ১৯৯৭ চনৰ সন্ত্ৰাসবাদ বিৰোধী আইনৰ অধীনত ৰুজু কৰা হৈছে।