উদীয়মান প্ৰযুক্তিৰ বাবে ভাৰতৰ কৰ্মশক্তিক দক্ষতা আৰু দক্ষতা প্ৰদান কৰিবলৈ এনএছডিচিয়ে এথনোটেক একাডেমী আৰু কেমব্ৰিজৰ সৈতে সহযোগিতা কৰে

ৰাষ্ট্ৰীয় দক্ষতা বিকাশ নিগম(এনএছডিচি)-এ এথন’টেক একাডেমী আৰু কেমব্ৰিজ বিশ্ববিদ্যালয় প্ৰেছ এণ্ড এচেছমেণ্টৰ সহযোগত ভাৰতৰ কৰ্মশক্তিক অত্যাধুনিক প্ৰযুক্তি দক্ষতাৰে সজ্জিত কৰাৰ লক্ষ্যৰে “ভৱিষ্যৎ দক্ষতাৰ কেন্দ্ৰ” মুকলি কৰিছে। দক্ষতা বিকাশ আৰু উদ্যমিতা মন্ত্ৰালয়ৰ অধীনত আৰম্ভ কৰা এই পদক্ষেপে বিশেষজ্ঞৰ নিৰ্দেশনা আৰু উন্নত প্ৰযুক্তি আন্তঃগাঁথনি লাভ কৰাৰ বাবে উচ্চ শিক্ষা প্ৰতিষ্ঠানসমূহৰ বাবে এখন মঞ্চ প্ৰদান কৰিব বিচাৰিছে।

এই কেন্দ্ৰটোৱে কৃত্ৰিম বুদ্ধিমত্তা, ডাটা এনালাইটিক্স, ক্লাউড কম্পিউটিং, চাইবাৰ সুৰক্ষা আৰু ৰবটিক্সৰ দৰে প্ৰযুক্তিৰ ওপৰত গুৰুত্ব আৰোপ কৰিব, যাৰ ফলত ছাত্ৰ-ছাত্ৰীসকলক দ্ৰুতগতিত বিকশিত হোৱা নিয়োগৰ বজাৰৰ বাবে প্ৰস্তুত কৰা হ’ব। এই শুভাৰম্ভণিৰ সময়ত একাডেমী, উদ্যোগ, আৰু কৰ্পৰেট অংশীদাৰৰ মাজত সহযোগিতা গঢ়ি তোলাৰ ওপৰত বিশেষভাৱে আলোচনা আৰু গুৰুত্ব আৰোপ কৰা হৈছিল।

এনএছডিচিৰ উপাধ্যক্ষ নীতিন কাপুৰে আজিৰ বিশ্বত আপস্কিলিং বা উন্নীতকৰণৰ গুৰুত্বৰ ওপৰত আলোকপাত কৰি কয় যে, “আপস্কিলিং এতিয়া বিলাসীতা নহয় বৰঞ্চ বৰ্তমান সময়ৰ এক প্ৰয়োজনীয়তাে। আমাৰ এই সহযোগিতাই ভাৰতলৈ গ্লবেল ক্ষেত্ৰত প্ৰয়োজনীয় সোপান প্ৰদান কৰিব, লগতে ভাৰতক বিশ্বব্যাপী দক্ষতা কেন্দ্ৰ হিচাপে গঢ়ি তোলাত সহায় কৰিব।”