পাঁচটা নতুন সেৱাকেন্দ্ৰ মুকলিৰে ৰাজস্থানত ব্যৱসায়িক পদচিহ্নৰ সম্প্ৰসাৰণ নিছানৰ

নিছান মটৰ ইণ্ডিয়া প্ৰাইভেট লিমিটেডে মাত্ৰ এসপ্তাহত সমগ্ৰ ৰাজস্থানত পাঁচটা নতুন গ্ৰাহক টাচ্চপইণ্ট মুকলি কৰি আঞ্চলিক উপস্থিতি শক্তিশালী কৰাৰ ক্ষেত্ৰত এক বৃহৎ পদক্ষেপ গ্ৰহণ কৰিছে। এই সম্প্ৰসাৰণৰ লগে লগে প্ৰতিষ্ঠানটোৱে এতিয়া দেশজুৰি ২৮৩টা আৰু কেৱল ৰাজস্থানত ১৯টা সেৱা কেন্দ্ৰ মুকলিৰ কথা সগৌৰৱে প্ৰকাশ কৰিছে, যিয়ে উচ্চ সম্ভাৱনাপূৰ্ণ বজাৰত নিছানৰ আগ্ৰাসী নেটৱৰ্ক বৃদ্ধিৰ কৌশল প্ৰতিফলিত কৰিছে।
নতুনকৈ উদ্বোধন কৰা সুবিধা কেন্দ্ৰসমূহৰ ভিতৰত আছে জয়পুৰত শ্ব’ৰুম আৰু ৱৰ্কশ্বপ, উদয়পুৰত থ্ৰী এছ (চেলছ, চাৰ্ভিচ, স্পেয়াৰ পাৰ্টছ) চেণ্টাৰ, আজমেৰত এটা শ্ব’ৰুম। এই আধুনিক কেন্দ্ৰসমূহ গ্ৰাহকৰ নিৰৱচ্ছিন্ন আৰু সমৃদ্ধিশালী অভিজ্ঞতা প্ৰদান কৰিবলৈ সজ্জিত আৰু ইয়াৰ আনুষ্ঠানিকভাৱে উদ্বোধন কৰে নিছান ইণ্ডিয়াৰ পৰিচালন সঞ্চালক সৌৰভ বৎসই, যিয়ে উদীয়মান টায়াৰ ২ আৰু টায়াৰ ৩ চহৰসমূহত সেৱা আৰু সুলভতাৰ প্ৰতি নিছানৰ দায়বদ্ধতাৰ ওপৰত গুৰুত্ব আৰোপ কৰিছে।
ইফালে নিছানৰ সম্প্ৰসাৰণ পদক্ষেপে গুৱাহাটীৰ ডিলাৰ আৰু গ্ৰাহকসকলৰ মাজত সমানেই আগ্ৰহ জাগ্ৰত কৰিছে। এই উদ্যোগৰ বিশেষজ্ঞসকলে বিশ্বাস কৰে যে এনে আঞ্চলিক কৌশলে উত্তৰ-পূৰ্বাঞ্চলতো একেধৰণৰ বিকাশ সাধন কৰিব পাৰে, য’ত ব্যয়সাধ্যতা আৰু নগৰীয়া গতিশীলতাৰ প্ৰয়োজনীয়তাৰ বাবে নতুন নিছান মেগনাইটৰ দৰে সংপৃক্ত এছইউভিৰ চাহিদা ক্ৰমান্বয়ে বৃদ্ধি পাইছে।
নিছানে নিজৰ বহনক্ষম গতিশীলতা অভিযানৰ অংশ হিচাপে পৰিৱেশ-অনুকূল ইন্ধনৰ বিকল্পৰ বৰ্ধিত চাহিদাৰ প্ৰয়োগ কৰি ৰাজস্থানত চৰকাৰী অনুমোদিত চিএনজি ৰেট্ৰ ‘-ফিটমেণ্ট কিট মুকলি কৰাৰ পৰিকল্পনাৰ কথাও ঘোষণা কৰিছে।