নিছান-হোণ্ডা এলায়েন্সে ২০২৬ চনৰ ভিতৰত কাৰ্বন নিৰপেক্ষতা আৰু সুৰক্ষিত পথৰ লক্ষ্য লৈছে

নিছান মটৰ কোম্পানী লিমিটেড (“নিছান”) আৰু হোণ্ডা মটৰ কোম্পানী লিমিটেডে (“হোণ্ডা”) যৌথ হোল্ডিং স্থাপনৰ জৰিয়তে দুয়োটা প্ৰতিষ্ঠানৰ মাজত ব্যৱসায়িক সংহতিৰ দিশত আলোচনা আৰু বিবেচনা আৰম্ভ কৰিবলৈ বুজাবুজিৰ চুক্তিত স্বাক্ষৰ কৰিছে। কাৰ্বন নিৰপেক্ষ সমাজ আৰু শূন্য-যান-বাহন-মৃত্যু সমাজ লাভৰ দিশত নিজৰ প্ৰচেষ্টা আৰু অধিক ত্বৰান্বিত কৰিবলৈ নিছান আৰু হোণ্ডাই ১৫ মাৰ্চত বাহনৰ বুদ্ধিমত্তা আৰু বৈদ্যুতিকৰণ যুগৰ বাবে কৌশলগত অংশীদাৰিত্বৰ বাবে এক বুজাবুজিৰ চুক্তিত স্বাক্ষৰ কৰিছে।

চুক্তি স্বাক্ষৰৰ পিছৰে পৰাই কোম্পানী দুটাৰ মাজত বিভিন্ন ক্ষেত্ৰত সহযোগিতাৰ লক্ষ্যৰে আলোচনা অনুষ্ঠিত হৈ আহিছে। ১ আগষ্টত দুয়োটা প্ৰতিষ্ঠানে কৌশলগত অংশীদাৰিত্বৰ পৰিকাঠামো গভীৰ কৰিবলৈ আৰু এক বুজাবুজি চুক্তিত স্বাক্ষৰ কৰে। এই অগ্ৰগতিৰ বিষয়ে নিছানৰ অধ্যক্ষ, চিইঅ’ আৰু প্ৰতিনিধি কাৰ্যবাহী বিষয়া মাকোটো উচিডাই কয় যে,” আজি আমি আমাৰ ভৱিষ্যদৰ্শী সম্ভাৱনা থকা ব্যৱসায়িক একত্ৰিকৰণৰ বিষয়ে আলোচনা আৰম্ভ কৰাৰ ক্ষণত এক গুৰুত্বপূৰ্ণ মুহূৰ্তত উপনীত হৈছোঁ। “

হোণ্ডাৰ সঞ্চালক আৰু প্ৰতিনিধি কাৰ্যবাহী বিষয়া তোছিহিৰো মাইবে কয় যে, “জ্ঞান, প্ৰতিভা আৰু প্ৰযুক্তিকে ধৰি সম্পদসমূহক একত্ৰিত কৰি নতুন গতিশীলতা মূল্য সৃষ্টি কৰা, যিবোৰ হোণ্ডা আৰু নিছানে দীৰ্ঘদিন ধৰি বিকশিত কৰি আহিছে, এই ক্ষেত্ৰত গাড়ী উদ্যোগে সন্মুখীন হোৱা প্ৰত্যাহ্বানমূলক পৰিৱেশজনিত পৰিৱৰ্তনবোৰ অতিক্ৰম কৰিবলৈ অত্যাৱশ্যকীয়।”