জে’লত ভৰোৱা হ’ব আমছুৰ প্ৰাক্তন সভাপতি ৰেজাউল কৰিম সৰকাৰক

“জেহাদৰ কথা বেছিকৈ কৈ থাকিলে জে’লত ভৰোৱা হ’ব আমছুৰ প্ৰাক্তন সভাপতি ৰেজাউল কৰিম সৰকাৰক ।” ৰেজাউল কৰিম সৰকাৰক এই কঠোৰ সকীয়নি মুখ্যমন্ত্রী ডঃ হিমন্ত বিশ্ব শৰ্মাৰ । শনিবাৰে গুৱাহাটীত সাংবাদিকৰ প্ৰশ্নৰ উত্তৰত মুখ্যমন্ত্রীয়ে ৰেজাউল কৰিম সৰকাৰৰ প্ৰসংগত তীব্ৰ প্ৰতিক্ৰিয়া ব্যক্ত কৰে ।মুখ্যমন্ত্রীয়ে কয়, “শিক্ষাৰ বিকাশ বুলি ক’লে আমাৰ আপত্তি নাই । জেহাদ মানেই গণ্ডগোলীয়া শব্দ । মানে প্ৰশ্নকাকত, উত্তৰবহী ফাদিল কৰিব । বিভিন্ন ধৰণৰ জেহাদ কৰিব । লেণ্ড জেহাদত মাটিতো দখল কৰে । লাভ জেহাদত ছোৱালীক ফুচুলাই লৈ যায় । তেওঁলোকে ফাৰ্টিলাইজাৰ জেহাদ কৰে । গতিকে জেহাদ শব্দটোৱে দুই নম্বৰী বুজায় ।”