লেনভোই ৪৮০+ ষ্ট’ৰৰ সৈতে উপস্থিতি শক্তিশালী কৰে, যাৰ ফলত স্মাৰ্ট প্ৰযুক্তিৰ প্ৰৱেশ বৃদ্ধি

বিশ্বৰ প্ৰযুক্তি ক্ষেত্ৰখনৰ আগশাৰীৰ প্ৰতিষ্ঠান লেন’ভ’ই সমগ্ৰ উত্তৰ আৰু পূব ভাৰতত ২৫তকৈও অধিক একচেটিয়া ষ্ট’ৰ মুকলি কৰি খুচুৰা খণ্ডৰ নিজৰ উপস্থিতি যথেষ্ট বৃদ্ধি কৰিছে। এই সম্প্ৰসাৰণে লেন’ভ’ৰ মুঠ ৰিটেইল পদচিহ্ন দেশজুৰি ৪৮০তকৈও অধিক একচেটিয়া ষ্ট’ৰলৈ সম্প্ৰসাৰণ কৰিছে, যিয়ে লেন’ভ’ৰ বজাৰ নেতৃত্ব আৰু সুলভ প্ৰযুক্তিৰ প্ৰতি দায়বদ্ধতা শক্তিশালী কৰিছে। ৰাজস্থান, বিহাৰ, পশ্চিম বংগ, মধ্য প্ৰদেশ, উত্তৰ প্ৰদেশ, ঝাৰখণ্ড আৰু হাৰিয়ানাৰ দৰে ৰাজ্যৰ কৌশলগত স্থানত অৱস্থিত নতুন বিপণীবোৰৰ লক্ষ্য হৈছে অত্যাধুনিক সঁজুলিৰ বৰ্ধিত চাহিদা পূৰণ কৰা।

টায়াৰ-২ আৰু টায়াৰ-৩ চহৰসমূহত সৰ্বাধিক গুৰুত্ব আৰোপ কৰি এই আউটলেটবোৰত এআই-সক্ষম গেমিং, উপভোক্তা আৰু বাণিজ্যিক সামগ্ৰী ৰখা হৈছে, যিসমূহে বিভিন্ন গ্ৰাহকৰ প্ৰয়োজনীয়তা পূৰণ কৰে। লক্ষণীয়ভাৱে হাৰিয়ানাৰ ফৰিদাবাদৰ এক হাইব্ৰিড ষ্ট’ৰে এক সমৰ্পিত গেমিং জ’ন মুকলি কৰিছে, যিয়ে উৎসাহী ব্যক্তিসকলৰ বাবে নিমজ্জিত অভিজ্ঞতা প্ৰদান কৰিব। গুৱাহাটীতো লেন’ভ’ৰ ৰিটেইল খণ্ডত সম্প্ৰসাৰণে চহৰখনৰ বৰ্ধিত প্ৰযুক্তি বজাৰক আৰু অধিক শক্তিশালী কৰিব বুলি আশা কৰা হৈছে।

নতুন ষ্ট’ৰটোৰ লক্ষ্য হৈছে উদ্ভাৱনৰ কেন্দ্ৰ হিচাপে কাম কৰা, ছাত্ৰ-ছাত্ৰী, গেমাৰ আৰু পেছাদাৰীসকলক এক্সপ্ৰেছ ডেলিভাৰী সেৱা উপভোগ কৰাৰ সময়ত লেন’ভ’ৰ এআই-চালিত প্ৰযুক্তি অন্বেষণ কৰিবলৈ সক্ষম কৰি তোলা, যাৰ ডেলিভাৰীৰ সময় মাত্ৰ চাৰি ঘণ্টাৰো কম। “আমাৰ খুচুৰা পদচিহ্ন সম্প্ৰসাৰণে গ্ৰাহকসকলৰ ওচৰলৈ স্মাৰ্ট প্ৰযুক্তি লৈ যোৱাৰ ক্ষেত্ৰত আমাৰ সমৰ্পণ আকৌ এবাৰ সুদৃঢ় হ’ল,” লেন’ভ’ ইণ্ডিয়াৰ উত্তৰ আৰু পূব অঞ্চলৰ বিক্ৰী খণ্ডৰ মুৰব্বী ৰাঘৱেন্দ্ৰ আৰাভিটিয়ে এইদৰে কয়। লেন’ভ’ই ইণ্টাৰেক্টিভ ডিচপ্লে, প্ৰডাক্ট ডেমো আৰু কাৰিকৰী সমৰ্থনৰ সৈতে গ্ৰাহকৰ অভিজ্ঞতা বৃদ্ধি কৰাত মনোনিৱেশ কৰিছে, যাতে দেশজুৰি প্ৰযুক্তি আৰু গ্ৰাহকৰ মাজৰ ব্যৱধান দূৰ কৰিব পৰা যায়।