কোটাকে ৱান কোটাকৰ গ্ৰুপ অধ্যক্ষৰ দায়িত্ব অৰ্পণ কৰিছে জয়দীপ হংসৰাজক 

কোটাক মহিন্দ্ৰা বেংক লিমিটেডে(কেএমবিএল) জয়দীপ হংসৰাজক ৱান কোটাকৰ গ্ৰুপ অধ্যক্ষ হিচাপে নিযুক্তি দিয়াৰ কথা ঘোষণা কৰিছে। কোটাক গ্ৰুপৰ বিত্তীয় সংঘবদ্ধ মডেলৰ লাভ আদায় কৰিবলৈ আৰু গ্ৰাহকসকলক সামগ্ৰিক সুবিধা প্ৰদান কৰাৰ দিশত এক গুৰুত্বপূৰ্ণ পদক্ষেপ চিহ্নিত হৈছে এই নিযুক্তি। জয়দীপ হংসৰাজে কোটাক ছিকিউৰিটিজত সহযোগিতা আৰু আভ্যন্তৰীণ সহযোগিতাক লাভান্বিত কৰাৰ বাবে সাংস্কৃতিক পৰিৱৰ্তনৰ নেতৃত্ব প্ৰদান কৰিব।

বৰ্তমান কোটক ছিকিউৰিটিজৰ অধ্যক্ষ আৰু চিঅ’অ’ শ্ৰীপাল শ্বাহৰ অনুমোদনৰ পিছতে নতুন পৰিচালন সঞ্চালক আৰু মুখ্য কাৰ্যবাহী বিষয়াই দায়িত্ব গ্ৰহণ কৰিব। জয়দীপ হংসৰাজে ২০২৪ চনৰ ১ এপ্ৰিলৰ পৰা নতুন দায়িত্ব আনুষ্ঠানিকভাৱে গ্ৰহণ কৰিব। যোৱা ৩ দশকৰো অধিক সময়ৰ অভিজ্ঞতা থকা জয়দীপ হংসৰাজে কোম্পানীটোৰ বাবে সুযোগ অন্বেষণ আৰু কাৰ্যকৰী কৰি কোটাকৰ ৰূপান্তৰ যাত্ৰাক নেতৃত্ব দিবলৈ সাজু হৈছে।

জয়দীপ হংসৰাজে সহযোগিতামূলকভাৱে বিভিন্ন ব্যৱসায় গঢ়ি তুলিছে আৰু এই ব্যৱসায়সমূহক নতুন মাত্ৰা প্ৰদান কৰিছে, যিয়ে এক কোটাকৰ মানসিকতা বা অৱস্থাৰ গুৰুত্ব প্ৰদৰ্শন কৰিছে। কোটাক ছিকিউৰিটিজত শ্ৰীপাল শ্বাহক নতুন দায়িত্ব প্ৰদান টেলেণ্ট পুলত আদৰণীয় সংযোজন। এই নতুন দায়িত্বৰ বিষয়ে উত্সাহ প্ৰকাশ কৰি জয়দীপ হংসৰাজে নিজৰ অনুভৱ ব্যক্ত কৰি কয় যে, “আমাৰ ব্যৱসায়সমূহৰ মাজত সমৃদ্ধি আৰু সহযোগিতাৰ নতুন পথ অনুসৰণ কৰিবলৈ মই সদায়ে আগ্ৰহী। এনে পদক্ষেপসমূহৰ জৰিয়তে আমাৰ অফাৰসমূহ উন্নীত হোৱাই নহয়, আমাৰ গ্ৰাহক, অংশীদাৰ আৰু সম্প্ৰদায়ৰ বাবে স্থায়ী মূল্য সৃষ্টি কৰাতো সহায়ক হ’ব।”