১৫ ফেব্ৰুৱাৰীত শ্ৰীলংকাত অনুষ্ঠিত হ’ব টি-২০ বিশ্বকাপৰ ভাৰত-পাকিস্তানৰ খেল

অহা বছৰৰ টি-২০ বিশ্বকাপৰ ভাৰত-পাকিস্তানৰ খেলখন অহা ১৫ ফেব্ৰুৱাৰীত কলম্বোৰ আৰ প্ৰেমদাছা ষ্টেডিয়ামত অনুষ্ঠিত হোৱাৰ সম্ভাৱনা আছে। ৫ অক্টোবৰত অনুষ্ঠিত হোৱা মহিলা এদিনীয়া বিশ্বকাপতো ভাৰত-পাকিস্তানৰ খেলখন আয়োজন কৰা হৈছিল। খবৰ অনুসৰি বিচিচিআইয়ে নিজৰ প্ৰস্তাৱিত সূচী আইচিচিলৈ প্ৰেৰণ কৰিছে। শীঘ্ৰে ঘোষণা কৰাৰ সম্ভাৱনা আছে আই চি চিয়ে। অহা ৭ ফেব্ৰুৱাৰীৰ পৰা আৰম্ভ হ’ব টি-২০ বিশ্বকাপ আৰু ৮ মাৰ্চত অনুষ্ঠিত হ’ব ফাইনেল। ছেমি ফাইনেল আৰু ফাইনেলৰ স্থান ভাৰত-পাকিস্তানৰ মেচৰ পৰিস্থিতিৰ ওপৰত নিৰ্ভৰ কৰিব।

যদি পাকিস্তানে ফাইনেলত প্ৰৱেশ নকৰে তেন্তে এই মেচখন আহমেদাবাদত অনুষ্ঠিত হ’ব। যদি পাকিস্তানে ফাইনেলৰ বাবে যোগ্যতা অৰ্জন কৰে তেন্তে শ্ৰীলংকাত অনুষ্ঠিত হ’ব এই খেলখন। আজিলৈকে এই সূচী সন্দৰ্ভত আইচিচি বা বিচিচিআইৰ কোনো আনুষ্ঠানিক বিবৃতি দিয়া নাই। চেম্পিয়নছ ট্ৰফীৰ পূৰ্বে বিচিচিআই আৰু পিচিবিৰ মাজত চুক্তি হৈছিল যে ভৱিষ্যতে দুয়োটা দলে ইজনে আনজনৰ দেশলৈ যাত্ৰা নকৰে, বৰঞ্চ নিৰপেক্ষ স্থানত নিজৰ মেচ খেলিব। ৯ ছেপ্টেম্বৰৰ পৰা ২৮ ছেপ্টেম্বৰৰ ভিতৰত অনুষ্ঠিত এছিয়া কাপত ভাৰত আৰু পাকিস্তানে তিনিখন খেল খেলিছিল।

এই সময়ছোৱাত দুয়োটা দলৰ খেলুৱৈয়ে হাত মিলোৱা নাছিল। ফাইনেলত জয়লাভ কৰাৰ পিছত ভাৰতীয় দলটোৱে পিবিচিৰ মুৰব্বী মহছিন নাকৱীৰ পৰা ট্ৰফী গ্ৰহণ কৰিবলৈ অস্বীকাৰ কৰে। নকভিয়ে ট্ৰফী গতাই দিবলৈ অস্বীকাৰ কৰে আৰু টিম ইণ্ডিয়াই খালী হাতেৰে উভতি আহিবলগীয়া হয়।