এইচপিচিএল-ৰ শক্তিশালী যোগান শৃংখলে চাহিদা বৃদ্ধিৰ মাজত ইন্ধন আৰু এলপিজি প্ৰবাহিত কৰি ৰাখে

হিন্দুস্তান পেট্ৰলিয়াম কৰ্পৰেচন লিমিটেড(এইচপিচিএল)-এ নিৰ্বাচিত বজাৰসমূহত ইন্ধন আৰু এলপিজিৰ চাহিদা সাময়িকভাৱে বৃদ্ধিৰ সমান্তৰালভাৱে নিৰৱচ্ছিন্নভাৱে উপলব্ধতা নিশ্চিত কৰিবলৈ আৰু ব্যৱস্থাৰ অখণ্ডতা বজাই ৰাখিবলৈ এক সমন্বিত, দেশজোৰা সঁহাৰি ব্যৱস্থা সক্ৰিয় কৰিছে। এপ্ৰিল মাহৰ প্ৰথম সপ্তাহত এইচপিচিএলে নিজৰ যোগান শৃংখলৰ কাৰ্য-কলাপ যথেষ্ট বৃদ্ধি কৰি ২০২৬ চনৰ ১ আৰু ৭ এপ্ৰিলৰ ভিতৰত ২,৬৪,৫৪৮ কে এল পেট্ৰল (এম এছ) আৰু ৪,৭৭,০৩০ কে এল ডিজেল (এইচএছডি) ইন্ধন বিক্ৰীৰে অভিলেখ গঢ়িছে। এই বৰ্ধিত চাহিদাৰ সৈতে জোৰা মাৰিবলৈ কোম্পানীটোৱে পেট্ৰ’ল, ডিজেল আৰু ৰাজসাহায্যযুক্ত কেৰাচিন কঢ়িয়াই নিয়া ৪৮,০৯৯খন টেংকাৰ প্ৰেৰণ কৰিছিল, যাৰ ফলত সমগ্ৰ দেশজোৰা খুচুৰা বিপণীসমূহৰ নেটৱৰ্কত অবিৰতভাৱে পুনৰ যোগান নিশ্চিত কৰা হৈছিল।

এলপিজি বিতৰণ নেটৱৰ্কো সম্পূৰ্ণ সামৰ্থ্যৰে কাম কৰি আহিছে, এই সময়ছোৱাত এইচপিচিএলে ৮৯ লাখ চিলিণ্ডাৰ যোগান ধৰিছে। প্ৰতিষ্ঠানটোৱে ৫ কিলোগ্ৰামৰ ১৮৭,৭৫৪টা ফ্ৰী ট্ৰেড এলপিজি চিলিণ্ডাৰ আৰু ২ কিলোগ্ৰামৰ ১৫,৩৩৫টা চিলিণ্ডাৰ যোগান ধৰি শেষ মাইলপৰ্যন্ত সুলভতা অধিক শক্তিশালী কৰি তুলিলে, যিয়ে প্ৰব্ৰজিত শ্ৰমিক আৰু অৰ্থনৈতিকভাৱে দুৰ্বল অংশৰ প্ৰয়োজনীয়তাক সমৰ্থন কৰে। ডিজিটেল ব্যৱহাৰ-প্ৰয়োগে নিৰৱচ্ছিন্ন সেৱা প্ৰদান নিশ্চিত কৰাৰ ক্ষেত্ৰত গুৰুত্বপূৰ্ণ ভূমিকা পালন কৰি আহিছে, আইভিআৰএছ, এছএমএছ, মিছড কল, এইচপি পে আৰু হোৱাটছএপকে ধৰি ডিজিটেল প্লেটফৰ্মৰ জৰিয়তে ৯৫% এলপিজি বুকিং কৰা হৈছে। এইচপিচিএলে যোগান বৃদ্ধিৰ সমান্তৰালভাৱে গ্ৰাহকৰ স্বাৰ্থ সুৰক্ষিত আৰু সমগ্ৰ বিতৰণ নেটৱৰ্কত স্বচ্ছতা বজাই ৰাখিবলৈ নিজৰ বলৱৎকাৰী প্ৰচেষ্টা তীব্ৰতৰ কৰিছে। ২০২৬ চনৰ ১৪ মাৰ্চৰ পৰা ৭ এপ্ৰিলৰ ভিতৰত কোম্পানীটোৱে ৪,৩৮৫ বাৰ নিৰীক্ষণ অভিযান চলাইছিল, য’ত ২৭গৰাকী বিতৰকক নিলম্বনকে ধৰি ৭৪গৰাকী বিতৰকৰ বিৰুদ্ধে অনুশাসনমূলক ব্যৱস্থা গ্ৰহণ কৰিছিল। অন্যান্য তৈল বিপণন কোম্পানী আৰু ৰাজ্যিক কৰ্তৃপক্ষৰ সমন্বয়ত ৬৫৭ বাৰ অভিযান চলাই ৪০টা গোচৰ আৰু ৩১৬৩টা এলপিজি চিলিণ্ডাৰ জব্দ কৰা হয়।

এইচপিচিএলে পুনৰ কয় যে, কিছুমান বিশেষ স্থানত চাহিদা বৃদ্ধিৰ বাবে সাময়িক চাপৰ সন্মুখীন হ’ব পাৰে যদিও ইন্ধন বা এলপিজিৰ কোনো ব্যৱস্থাগত অভাৱ নাই, আৰু নিজৰ নেটৱৰ্কত যোগান সুস্থিৰ হৈ আছে। এইচপিচিএলে গ্ৰাহকসকলক আতংকগ্ৰস্ত হৈ অধিক ক্ৰয়ৰ পৰা আঁতৰি থাকিবলৈ আৰু নিয়মীয়া খৰচৰ ধৰণ অনুসৰণ কৰিবলৈ পৰামৰ্শ দিছে, সমান্তৰালভাৱে সঠিক তথ্যৰ বাবে অফিচিয়েল এইচপিচিএল যোগাযোগ চেনেলৰ ওপৰত নিৰ্ভৰ কৰিবলৈ আহ্বান জনাইছে।কাৰ্যকৰী চঞ্চলতা, বাস্তৱ সময়ৰ নিৰীক্ষণ আৰু সমন্বিত কাৰ্যৰ ওপৰত গুৰুত্ব আৰোপ কৰি এইচপিচিএলে শক্তিৰ প্ৰৱেশ নিৰৱচ্ছিন্ন, নিৰ্ভৰযোগ্য আৰু দেশৰ প্ৰয়োজনীয়তাৰ প্ৰতি সঁহাৰি জনোৱাটো নিশ্চিত কৰি আহিছে।