পূব ভাৰতৰ বৃদ্ধি আচবাব আৰু মেট্ৰেছৰ বজাৰখন মুকলি কৰিবলৈ কলকাটাউড ২০২৫

পূব ভাৰতৰ কাঠৰ সামগ্ৰী, আচবাব আৰু মেট্ৰেছ নিৰ্মাণ সম্বন্ধীয় প্ৰথমখন বৃহৎ পৰিসৰৰ প্ৰদৰ্শনী কলকাতাউড ২০২৫ অহা ১২–১৪ ছেপ্টেম্বৰলৈ কলকাতাৰ বিশ্ব বাংলা মেলাপ্ৰংগনত অনুষ্ঠিত হ’ব। নুৱেৰ্নবাৰ্গ মেছে ইণ্ডিয়াৰ দ্বাৰা আয়োজিত এই অনুষ্ঠানে ইণ্ডিয়াউডৰ উত্তৰাধিকাৰৰ সম্প্ৰসাৰণ কৰিছে, যাৰ লক্ষ্য হৈছে বিশ্বব্যাপী উদ্ভাৱনক পূব ভাৰতৰ উদীয়মান কেন্দ্ৰসমূহৰ কাষ চপাই অনা।

এই প্ৰদৰ্শনীত ১৫০+ আগশাৰীৰ ব্ৰেণ্ডে শেহতীয়া সঁজুলি, সামগ্ৰী আৰু সমাধান প্ৰদৰ্শন কৰিব। ইয়াৰ লগতে ইয়াত পোনপটীয়া পৰিৱেশন, বিটুবি মেচমেকিং আৰু দক্ষতাকেন্দ্ৰিক আলোচনা অন্তৰ্ভুক্ত কৰা হ’ব, যিবোৰ উদ্যোগৰ আগশাৰীৰ প্ৰতিষ্ঠানসমূহক সংযোগ কৰিবলৈ আৰু খণ্ডগত বৃদ্ধিত ইন্ধন যোগাবলৈ ডিজাইন কৰা হৈছে। নুৱেৰ্নবাৰ্গ মেছে ইণ্ডিয়াৰ এমডি আৰু অধ্যক্ষ ছোনিয়া প্ৰশাৰে সদৰি কৰা অনুসৰি, “পূব ভাৰত এতিয়া আৰু আওহতীয়া বজাৰ নহয়—ই ৰাষ্ট্ৰীয় পৰ্যায়ত প্ৰতিযোগিতাত অৱতীৰ্ণ হোৱাৰ সম্ভাৱনা থকা এক অন্যতম উদীয়মান ঔদ্যোগিক কেন্দ্ৰ।”

গুৱাহাটীতো এই অনুষ্ঠানে দৃঢ় ব্যৱসায়িক প্ৰাসংগিকতা বহন কৰে।  বৰ্ধিত ব্যৱহাৰযোগ্য আয় আৰু দ্ৰুত ৰিয়েল ইষ্টেট সম্প্ৰসাৰণৰ লগে লগে মহানগৰখনত মড্যুলাৰ পাকঘৰ, এৰ্গ’নমিক ফাৰ্নিচাৰ আৰু মানসম্পন্ন শোৱনি কোঠাৰ সামগ্ৰীৰ চাহিদা বৃদ্ধি পাইছে।  গুৱাহাটীৰ খুচুৰা বিক্ৰেতা আৰু যোগান ধৰোঁতাসকলে কলকাতাউডক শক্তিশালী যোগান শৃংখল গঢ়ি তোলাৰ সুযোগ হিচাপে লক্ষ্য কৰিছে আৰু বিশেষভাৱে যুৱ নগৰীয়া ক্ৰেতাৰ মাজত গ্ৰাহকৰ অগ্ৰাধিকাৰৰ পৰিৱৰ্তনৰ সৈতে সংগতি ৰাখে।

ৰিলায়েন্স ইণ্ডাষ্ট্ৰীজ, অম্বুজা নেওটিয়া আৰু জেএছডব্লিউ গ্ৰুপৰ ৰিয়েল ইষ্টেট বিনিয়োগৰ লগে লগে ২৩.৯ বিলিয়ন আমেৰিকান ডলাৰৰ ভাৰতীয় আচবাব বজাৰত ৰাষ্ট্ৰীয় বিকাশৰ শেহতীয়া ট্ৰেণ্ডে কলকাতাউড ২০২৫ পূব ভাৰতৰ ঔদ্যোগিক আৰু জীৱনশৈলীৰ ৰূপান্তৰৰ বাবে এক অনুঘটক হিচাপে কাম কৰিবলৈ সাজু হৈছে।