দেশৰ দ্বিতীয় আটাইতকৈ দূষিত চহৰ ৰাজধানী দিল্লী

দিল্লীত বায়ু প্ৰদূষণ নিৰন্তৰ ভাৱে বৃদ্ধি পাই আছে। দেওবাৰে ৰাষ্ট্ৰীয় ৰাজধানীত বায়ুৰ গুণগত মানদণ্ড সূচক (একিউআই) আছিল ৪৪১। ইয়াৰ ফলত দিল্লী দেশৰ দ্বিতীয় আটাইতকৈ দূষিত চহৰ হিচাপে পৰিগণিত হয়।

কেন্দ্ৰীয় প্ৰদূষণ নিয়ন্ত্ৰণ ব’ৰ্ডৰ (চিপিচিবি) তথ্য অনুসৰি, হাৰিয়ানাৰ বাহাদুৰগড়ত সৰ্বাধিক একিউআই ৪৪৫, তাৰ পিছত দিল্লীত ৪৪১, হাৰিয়ানাৰ ভিৱানী ৪১৫ আৰু ৰাজস্থানৰ বিকানেৰত ৪০৪। দিল্লীৰ আনন্দ বিহাৰে সোমবাৰে পুৱা ৭ বজাত ৪৮৭ একিউআই ৰেকৰ্ড কৰে, আনহাতে আইজিআই বিমানবন্দৰৰ টি-৩ত একিউআই আছিল ৪৯৪।

একিউআইক ‘গুৰুতৰ’ শ্ৰেণীত বিবেচনা কৰা হয়। দিল্লী-এনচিআৰত বায়ুৰ মানদণ্ড হ্ৰাস হোৱাৰ বাবে, আজিৰ পৰা গ্ৰেডেড ৰেচপন্স একচন প্লেনৰ (জিআৰএপি) চতুৰ্থ পৰ্যায় কাৰ্যকৰী কৰা হৈছে। জি.আৰ.এ.পি.-ৰ অধীনত, বায়ুৰ মানদণ্ড উন্নত কৰাৰ বাবে বিভিন্ন প্ৰতিবন্ধকতা কাৰ্যকৰী কৰা হয়।