চৰকাৰী আয়ুৰ্বেদিক মহাবিদ্যালয়ত কুইজ প্ৰতিযোগিতাৰ সামৰণি

গুৱাহাটী জালুকবাৰীস্থিত চৰকাৰী আয়ুৰ্বেদিক মহাবিদ্যালয়ৰ শালক্য তন্ত্ৰ বিভাগৰ উদ্যোগত আৰু চৰকাৰী আয়ুৰ্বেদিক মহাবিদ্যালয়ৰ ছাত্ৰ পৰিষদৰ সহযোগত প্ৰয়াত অধ্যাপক ডাঃ কেশৱ চন্দ্ৰ বৰ্মনৰ সোঁৱৰণত ১৪ ছেপ্টেম্বৰত অসম ভিত্তিত এখন প্ৰাইজমানি কুইজ প্ৰতিযোগিতা অনুষ্ঠিত হয়। অধ্যাপক ডাঃ জ্যোতিৰ্ময় শর্মাৰ পৰিচালনাত অনুষ্ঠিত প্ৰতিযোগিতাখনত অসমৰ বিভিন্ন প্ৰান্তৰ কেবাখনো  বিদ্যালয় ,  মহাবিদ্যালয় আৰু বিশ্ববিদ্যালয়ৰ দলে অংশগ্ৰহণ কৰে। আৰম্ভণিতে প্ৰয়াত অধ্যাপক ডাঃ কেশৱ চন্দ্ৰ বৰ্মনৰ প্ৰতিচ্ছবিত মালাৰ্পন কৰি প্ৰতিযোগিতাখন উদ্ধোধন কৰে চৰকাৰী আয়ুৰ্বেদিক মহাবিদ্যালয়ৰ অধ্যক্ষ অধ্যাপক ডাঃ প্ৰণৱজ্যোতি বৈশ্যই। অনুষ্ঠানত মুখ্য অতিথিৰূপে উপস্থিত থাকে

অসম লোকসেৱা আয়োগৰ প্ৰাক্তন অধ্যক্ষ  ভাৰত ভূষণ দেৱ চৌধুৰী আৰু বিশিষ্ট অতিথি ৰূপে উপস্থিত থাকে প্ৰয়াত অধ্যাপক ডাঃ কেশৱ চন্দ্ৰ বৰ্মনৰ সহধৰ্মীনি কবিতা বৰ্মন। আনহাতে  অসম ভিত্তিত অনুষ্ঠিত  প্ৰতিযোগিতাখনত মুঠ ছটা দল চূড়ান্ত প্ৰতিযোগিতালৈ উত্তীৰ্ণ হয়। প্ৰতিযোগিতাত বজালীৰ ভট্টদেৱ বিশ্ববিদ্যালয়ৰ ভাৰ্গৱ ভূষণ বিশ্বপতি আৰু কৃষানু কাশ্যপ বিশ্বপতিয়ে  প্ৰথম স্থান লাভ কৰি নগদ ১৫ হাজাৰ টকাসহ মানপত্ৰ, গুৱাহাটী  বিশ্ববিদ্যালয়ৰ পাৰ্থ প্রতিম ভৰলুৱা আৰু শক্তিমান পেগুয়ে দ্বিতীয় স্থান লাভ কৰি  নগদ ১০ হাজাৰ টকাসহ  মানপত্ৰ ,   চৰকাৰী আয়ুৰ্বেদিক মহাবিদ্যালয়ৰ মিনহাজ ৰহমান আৰু বিমান ডেকাই তৃতীয় স্থান লাভ কৰি  নগদ ৭ হাজাৰ টকাসহ  মানপত্ৰ লাভ কৰে।

আনহাতে গুৱাহাটী  বিশ্ববিদ্যালয়ৰ হিমাংশু নাথ আৰু প্ৰীয়ানুজ পৰাশৰে চতুৰ্থ স্থান , মালিগাঁৱৰ ছেইণ্ট বিবেকানন্দ ইংলিছ একাডেমীৰ নীৰজ শৰ্মা আৰু অংকিত মণ্ডলে পঞ্চম স্থান,  গুৱাহাটী চিকিৎসা মহাবিদ্যালয়ৰ সুভাংগ ভূষণ গোস্বামী আৰু লাকী সিঙে ষষ্ঠ  স্থান লাভ কৰে। ইয়াৰ উপৰিও চতুৰ্থ, পঞ্চম, ষষ্ঠ পুৰস্কাৰ বিজেতা সকলে  নগদ ১ হাজাৰ টকাসহ  মানপত্ৰ লাভ কৰে । প্ৰতিযোগিতাত শ্ৰেষ্ঠ বিদ্যালয় দলৰ পুৰস্কাৰ লাভ কৰে ছেইণ্ট বিবেকানন্দ ইংলিছ একাডেমী , শ্ৰেষ্ঠ মহাবিদ্যালয় দলৰ পুৰস্কাৰ লাভ কৰে  গুৱাহাটী  বিশ্ববিদ্যালয় দলটোৱে । প্ৰতিযোগীতাৰ অন্তত বিজয়ী দল সমূহক নগদ ধন আৰু মানপত্ৰ সমুহ প্ৰদান কৰে হয়।