কেন্দ্ৰৰ হস্তক্ষেপ, ব্লিংকিটে আঁতৰালে দহ মিনিটত ডেলিভাৰীৰ গেৰাণ্টি

গিগ ৱৰ্কাৰ আৰু ডেলিভাৰী বয়সকলৰ কল্যাণ আৰু সুৰক্ষাৰ ক্ষেত্ৰত উদ্বেগৰ বৃদ্ধি পোৱাৰ পৰিপ্ৰেক্ষিতত, কেন্দ্ৰীয় শ্ৰম আৰু নিয়োগ মন্ত্ৰালয়ৰ হস্তক্ষেপৰে ব্লিংকিটে “১০ মিনিটত ডেলিভাৰী” দাবী প্রত্যাহাৰ কৰিবলৈ বাধ্য হৈছে। শ্ৰম মন্ত্ৰী মনসুখ মাণ্ডব্যই আগশাৰীৰ প্রতিষ্ঠানসমূহৰ সৈতে বৈঠক কৰাৰ পিছত এই সিদ্ধান্ত গ্ৰহণ কৰা হৈছে, যাতে ডেলিভাৰীৰ সময়সীমা সম্পৰ্কীয় সমস্যা সমাধান হয়। চৰকাৰী সূত্ৰৰ মতে, অন্য সংস্থাসমূহেও ব্লিংকিটৰ পথ অনুসৰণ কৰিব পাৰে।

ইটাৰ্নেল গ্ৰুপৰ ব্লিংকিটে তেওঁলোকৰ ব্রেণ্ডিংৰ পৰা ১০ মিনিটৰ প্ৰতিশ্ৰুতি আঁতৰাই নতুন মেচেজিংৰূপে “৩০,০০০ তকৈ অধিক সামগ্ৰী আপোনাৰ দুৱাৰমুখত উপলব্ধ” উল্লেখ কৰিছে। আগন্তুক ৩১ ডিচেম্বৰত দেশজুৰি ডেলিভাৰী কৰ্মীসকলে ধৰ্মঘটৰ মাধ্যমে দাবী কৰিছিল যে এই সময়ৰ চাপত তেওঁলোকৰ জীৱন বিপন্ন হৈছে। গিগ এণ্ড প্লেটফৰ্ম ছাৰ্ভিচ ৱৰ্কাৰ্ছ ইউনিয়নে সরকারৰ এই পদক্ষেপক শ্ৰমিকৰ মৰ্যাদা আৰু সুৰক্ষা নিশ্চিত কৰাৰ দিশে এক গুৰুত্বপূৰ্ণ পদক্ষেপ বুলি অভিহিত কৰিছে।

অন্যদিকে, ইটাৰ্নেল গ্ৰুপৰ CEO দিপিন্দৰ গোৱেলে দাবী কৰিছে যে ১০ মিনিটৰ প্ৰতিশ্ৰুতিয়ে চালকসকলক চাপ নিদিয়ে, কাৰণ এপটোত টাইমাৰ দেখুওৱা নহয়। তেওঁৰ মতে, গ্ৰাহকৰ ওচৰত ষ্ট’ৰ থাকাই ডেলিভাৰী ক্ষিপ্র কৰে। আম আদমী পাৰ্টিৰ সাংসদ ৰাঘৱ চাড্ডাই এই সিদ্ধান্তক প্ৰয়োজনীয় পদক্ষেপ বুলি উল্লেখ কৰিছে, বিশেষকৈ যেতিয়া চালক আৰু গ্ৰাহকৰ মনৰ চাপ বৃদ্ধি পায়। কনফেডাৰেচন অফ অল ইণ্ডিয়া ট্ৰেডাৰ্ছেও এই পদক্ষেপক মানৱীয় আৰু দূৰদৰ্শী বুলি অভিহিত কৰিছে।