ফুলগুৰি আঞ্চলিক উচ্চ মাধ্যমিক বিদ্যালয়ত ভোগালী মেলা

পশ্চিম গুৱাহাটীৰ ৰাণী শিক্ষা খণ্ডৰ অন্তৰ্গত ফুলগুৰি আঞ্চলিক উচ্চ মাধ্যমিক বিদ্যালয় চৌহদত ভোগালী বিহুৰ লগত সংগতি ৰাখি ১২ জানুৱাৰীত প্রথমবাৰৰ বাবে অনুষ্ঠিত হয় প্ৰাক ভোগালী মেলা। ছাত্র-ছাত্রীৰ লগতে শিক্ষক -শিক্ষয়ত্ৰীৰ মাজত অসমীয়া জাতিৰ স্বাভিমান ভোগালী বিহুৰ পৰম্পৰা ৰক্ষাৰ উদেশ্যে অনুষ্ঠিত কৰা হৈছিল এই মেলা ।

আনহাতে মেলাৰ লগত সংগতি ৰাখি এখন ভোগালী বিহুৰ খাদ্য সম্ভাৰৰ বিক্ৰী আৰু প্ৰদৰ্শনীও অনুষ্ঠিত হয় । বিক্ৰী আৰু প্ৰদৰ্শনীখন উদ্ধোধন কৰে বিদ্যালয়ৰ প্ৰধান শিক্ষক ভাস্কৰজ্যোতি দাসে । প্ৰদৰ্শনীখনত ১৬ খন বিপনীত ছাত্ৰ – ছাত্ৰী সকলে প্ৰস্তুত কৰা লাড়ু – পিঠা , সান্দহ , চিৰা আদি বিক্ৰী কৰা হয়।

এই মেলাত ভাৰতী এয়াৰটেল ফাউণ্ডেশ্যনৰ মমতা শইকীয়া , বিনু নায়াৰ আৰু অনিল ভাটকে ধৰি কেইবাজনো বিষয়া উপস্থিত আছিল। আনহাতে সামৰণিত খাদ্য সম্ভাৰৰ বিক্ৰীৰ বিপনীত ভাগ লোৱা ছাত্ৰ – ছাত্ৰী সকলক পুৰস্কাৰ প্ৰদান কৰা হয়।