অলিম্পিক গেমছৰ মহিলা শাখাত তৃতীয় লিংগৰ অংশগ্ৰহণত নিষেধাজ্ঞা

অহা অলিম্পিক গেমছৰ মহিলা শাখাত এক বৃহৎ পৰিৱৰ্তন দেখা যাব পাৰে। আন্তঃৰাষ্ট্ৰীয় অলিম্পিক কমিটীয়ে তৃতীয় লিংগ মহিলাক সকলো খেলৰ পৰা সম্পূৰ্ণ নিষেধাজ্ঞা আৰোপ কৰাৰ সিদ্ধান্ত লোৱাৰ দিশে আগবাঢ়িছে। পেৰিছ ২০২৪ অলিম্পিকৰ বাবে লিংগ যোগ্যতাক লৈ গুৰুতৰ বিতৰ্কৰ মাজতে এই পদক্ষেপ গ্ৰহণ কৰা হৈছে।

আই অ’ চিৰ নতুন সভানেত্ৰী কিৰ্ষ্টি কভেণ্ট্ৰিয়ে স্পষ্টভাৱে উল্লেখ কৰিছে যে মহিলা শাখাৰ সুৰক্ষা আৰু ন্যায়পৰায়ণতা তেওঁৰ শীৰ্ষ অগ্ৰাধিকাৰ। যোৱা বছৰ পেৰিছ অলিম্পিকৰ মহিলা বক্সিং ফাইনেলত এক বৃহৎ বিতৰ্কৰ সৃষ্টি হৈছিল। আলজেৰিয়াৰ ইমান খলিফ আৰু চীনা টাইপেইৰ লিন ইউ-টিঙে দুয়োগৰাকীয়ে সোণৰ পদক লাভ কৰিছিল যদিও ইয়াৰ পূৰ্বে লিংগ যোগ্যতা পৰীক্ষাত ব্যৰ্থ হোৱাৰ বাবে ২০২৩ চনৰ বিশ্ব চেম্পিয়নশ্বিপৰ পৰা অযোগ্য ঘোষণা কৰা হৈছিল।

যদিও দুয়োগৰাকী খেলুৱৈয়ে নিজকে মহিলা বুলি কয় আৰু তেওঁলোকক তৃতীয় লিংগ হিচাপে চিনাক্ত কৰা হোৱা নাই, তথাপিও এই গোচৰে মহিলা শাখাৰ বাবে যোগ্যতা সম্পৰ্কে বিতৰ্কৰ সৃষ্টি কৰে।