সাংবাদিক তফিকুৰ ৰহমানলৈ এআইজে মিডিয়া এৱাৰ্ড-২০২৪

মাজদিয়া গাঁৱৰ যুৱ সাংবাদিক তফিকুৰ ৰহমানলৈ আগবঢ়োৱা হৈছে এছোচিয়েচন অৱ ইণ্ডিয়ান জাৰ্নেলিষ্টৰ এআইজে মিডিয়া এৱাৰ্ড-২০২৪ । এনিউজ ২৪×৭ ৰ সৰ্থেবাৰীৰ সংবাদাতা হিচাপে কৰ্মৰত তফিকুৰ ৰহমানে এই বঁটা গ্ৰহণ কৰে ।

সাংবাদিক কিৰণ কুমাৰ গগৈয়ে উদ্দেশ্য ব্যাখ্যা কৰা অনুষ্ঠানটোৰ সভাপতিত্ব কৰে বিশিষ্ট সাংবাদিক জয়ন্ত কুমাৰ ডেকাই । ভাৰতবৰ্ষৰ বিভিন্ন ৰাজ্যৰ পৰা অহা কেইবাগৰাকীও বিশিষ্ট সাংবাদিকে সভাখনত অংশগ্ৰহণ কৰে । এছোচিয়েচন অৱ ইণ্ডিয়ান জাৰ্নেলিষ্টৰ ৰাষ্ট্ৰীয় সভাপতি বিক্ৰম সেন উপস্থিত থাকি এছোচিয়েচনৰ কাম-কাজ সন্দৰ্ভত বক্তব্য প্ৰদান কৰাৰ লগতে সাংবাদিকসকলৰ বাবে গ্ৰহণ কৰা পদক্ষেপসমূহৰ কথাও উল্লেখ কৰে ।

সভাখনত উত্তৰ-পূৰ্বাঞ্চলৰ সাংবাদিকতাৰ বিষয়ে বক্তব্য প্ৰদান কৰে উত্তৰ- পূৰ্বাঞ্চলৰ জ্যেষ্ঠ সাংবাদিক নৱ ঠাকুৰীয়াই । আনহাতে অসমৰ সম্পদৰ ওপৰত বক্তব্য প্ৰদান কৰে জ্যেষ্ঠ সাংবাদিক অদীপ কুমাৰ ভূঞাই ।

উক্ত সভাতেই ভাৰতবৰ্ষৰ বিভিন্ন প্ৰান্তৰ কেইবাগৰাকীও সাংবাদিকক এআইজে মিডিয়া এৱাৰ্ড-২০২৪ প্ৰদান কৰা হয় ৷ বঁটাত প্ৰমানপত্ৰ, গামোচা আৰু স্মাৰক প্ৰদান কৰা হয় । অসমৰ অন্যতম সাহিত্য-সাংস্কৃতিক অনুষ্ঠান বিৰিণা গোষ্ঠী অসমৰ সম্পাদক, কবি-সাংবাদিক তফিকুৰ ৰহমানে এই বঁটা লাভ কৰাত স্বাভাবিকতে পূৱ বৰপেটা অঞ্চলৰ লগতে নলবাৰীৰ দৌলাশালত চৰ্চা লাভ কৰিছে ৷