আফগানিস্তানত সংঘটিত হোৱা ভূমিকম্পত হাজাৰ হাজাৰ লোকৰ মৃত্যু হোৱাৰ লগতে বহু গাঁও ধ্বংস

১ ছেপ্টেম্বৰত আফগানিস্তানত সংঘটিত হোৱা ভূমিকম্পত হাজাৰ হাজাৰ লোকৰ মৃত্যু হোৱাৰ লগতে বহু গাঁও ধ্বংস হৈছিল। আতংকিত হৈ বহু লোক এতিয়াও নিজ ঘৰলৈ উভতি অহা নাই আৰু মুকলি আকাশৰ তলত বাস কৰিবলৈ লৈছে। সাহায্যৰ গতি লেহেমীয়া হোৱাৰ লগতে আটাইতকৈ বেছি কষ্ট ভুগীবলগীয়া হৈছে শিশুসকলে। ইফালে পৰিস্থিতি অধিক ভয়াৱহ হ’ব পাৰে বুলি সকীয়াই দিছে আন্তঃৰাষ্ট্ৰীয় সংস্থাসমূহে।এতিয়াও বহু আফগান লোকে নিজৰ ভগ্ন গাঁওলৈ উভতি যাবলৈ অস্বীকাৰ কৰিছে। তেওঁলোকে আশংকা কৰিছে যে পুনৰ কম্পন আহিব পাৰে আৰু যিকোনো সময়তে পাহাৰৰ পৰা গধুৰ শিল খহি পৰিব পাৰে। পথাৰ, পথ, নদীৰ পাৰত মুকলি আকাশৰ তলত মানুহে জীৱন নিৰ্বাহ কৰি আছে। বহুতৰে থাকিবলৈ নাই তম্বু।