ৰাজস্থানত ভয়ংকৰ দুর্ঘটনা

ৰাজস্থানৰ বাড়মেৰত সোমবাৰে নিশা সংঘটিত হয় এক বৃহৎ দুৰ্ঘটনা। ভাৰতীয় বায়ুসেনাৰ যুদ্ধ বিমান মিগ-২৯ কাৱাছৰ সমীপত যান্ত্ৰিক বিজুতিৰ ফলত দুৰ্ঘটনাগ্ৰস্ত হয়। যুঁজাৰু বিমান দুৰ্ঘটনাৰ তথ্য পোৱাৰ লগে লগে নাগাণা আৰক্ষী থানাই সেই স্থানত উপস্থিত হৈ সহায়ৰ কাম আৰম্ভ কৰে। যিহেতু যুঁজাৰু বিমানখনত অগ্নিকাণ্ড সংঘটিত হয়, সেয়েহে আৰক্ষীয়ে থিতাতে অগ্নিনিৰ্বাপক বাহিনীক মাতে। ঘটনাস্থলীত উপস্থিত হৈ অগ্নিনিৰ্বাপক বাহিনীৰ দলটোৱে যুঁজাৰু বিমানখনৰ জুই নিৰ্বাপন কৰে। বায়ুসেনাই এক বিবৃতি জাৰি কৰি কয় যে এই দুৰ্ঘটনাত বিমানখনৰ পাইলটৰ কথমপি প্ৰাণৰক্ষা পৰিছে।