সাধাৰণ জনতাৰ মূৰত মাধমাৰ

পুনৰ বৃদ্ধি পেট্ৰ’ল-ডিজেলৰ মূল্য!পুৰণি বছৰে বিদায় লোৱাৰ পূৰ্বে সকলোৰে চিন্তা বৃদ্ধি পাইছে। বৰদিনৰ ঠিক পিছদিনা তেল কোম্পানীয়ে পেট্ৰ’ল-ডিজেলৰ দাম বৃদ্ধি কৰি গ্ৰাহকক স্তম্ভিত কৰি তুলিছে। বিশ্বৰ বজাৰত খাৰুৱা তেলৰ দাম সামান্য বৃদ্ধিৰ বাবেই বৃহস্পতিবাৰে বহু চহৰত চৰকাৰী তেল কোম্পানীয়ে বৃদ্ধি কৰিলে ইন্ধনৰ মূল্য।বিহাৰৰ ৰাজধানী পাটনাত ৫৩ পইচা পেট্ৰ’ল ব্যয়বহুল হৈ প্ৰতি লিটাৰ ১০৬.১১ টকা হোৱাৰ বিপৰীতে ডিজেল ৫১ পইচা বৃদ্ধিৰে ৯২.৯২ টকাত বিক্ৰী হৈছে। উত্তৰ প্ৰদেশৰ গৌতম বুদ্ধ নগৰ জিলাত পেট্ৰ’লৰ মূল্য ৭ পইচা বৃদ্ধি পাই ৯৫.০৫ টকা হোৱাৰ বিপৰীতে ডিজেলৰ মূল্য ৬ পইচা বৃদ্ধি পাই প্ৰতি লিটাৰত ৮৮.১৯ টকা হয়।তেলৰ এই মূল্যবৃদ্ধিয়ে সাধাৰণ মানুহৰ পকেটত অতিৰিক্ত বোজা জাপি দিব পাৰে। এতিয়া চাব লাগিব আগন্তুক দিনত বিশ্বৰ বজাৰত তেলৰ দাম কোন দিশলৈ যায় আৰু ঘৰুৱা বজাৰত ইয়াৰ প্ৰভাৱ কিদৰে পৰে।