কৰ্ণাটকত ভয়ংকৰ দুৰ্ঘটনা

শুকুৰবাৰে পুৱা কৰ্ণাটকৰ হাভেৰি জিলাৰ বেদাগি তালুকত সংঘটিত হয় এক ভয়ংকৰ দুৰ্ঘটনা। এখন মিনি বাছৰ সৈতে ৰৈ থকা ট্ৰাকৰ সংঘৰ্ষৰ ফলত ১৩জন লোকৰ মৃত্যু হয়। আন দুজন লোক গুৰুতৰভাৱে আহত হয় এই দুৰ্ঘটনাত।মৃত লোকসকল শিৱমোগাৰ বাসিন্দা। দেৱী ইয়াল্লাম্মাৰ তীৰ্থযাত্ৰা শেষ কৰি বেলাগাভি জিলাৰ সাভাদত্তিৰ পৰা উভতি আহিছিল তেওঁলোক। সেই সময়তে সংঘটিত হয় এই মৰ্মান্তিক দুৰ্ঘটনা। আহতসকলক স্থানীয় এখন হাস্পতালত ভৰ্তি কৰোৱা হৈছে আৰু তেওঁলোকৰ অৱস্থা সংকটজনক বুলি জানিব পৰা গৈছে। আৰক্ষীয়ে ইতিমধ্যে ঘটনাৰ তদন্ত আৰম্ভ কৰিছে।