ত্ৰিপুৰাৰ প্ৰাক্তন মুখ্যমন্ত্ৰী বিপ্লব দেৱতকৈ ধনী তেওঁৰ পত্নী

ত্ৰিপুৰাৰ প্ৰাক্তন মুখ্যমন্ত্ৰী তথা বিজেপি নেতা বিপ্লব কুমাৰ দেৱে এইবাৰ ত্ৰিপুৰা পশ্চিম আসনৰ পৰা লোকসভা নিৰ্বাচনত প্ৰতিদ্বন্দিতা কৰিছে। তেওঁ বৰ্তমান ৰাজ্যসভাৰ সাংসদ। ত্ৰিপুৰা পশ্চিমত প্ৰথম পৰ্যায়ত ১৯ এপ্ৰিলত নিৰ্বাচন অনুষ্ঠিত হ’ব। বিপ্লব কুমাৰ দেৱে মনোনয়ন দাখিল কৰিছে। বিপ্লব কুমাৰ দেৱে দাখিল কৰা মনোনয়ন প্ৰপত্ৰৰ সৈতে দাখিল কৰা শপতনামা অনুসৰি, এই বিত্তীয় বৰ্ষত তেওঁৰ বাৰ্ষিক উপাৰ্জন প্ৰায় ১ লাখ টকা হ্ৰাস পাইছে।

২০২২-২৩ চনত তেওঁৰ উপাৰ্জন আছিল ৫,৩০,২৩০ টকা। ২০২১-২২ বৰ্ষত তেওঁৰ উপাৰ্জন আছিল ৬,৬৮,৩৩০ টকা। ২০২০-২১ বৰ্ষত তেওঁৰ উপাৰ্জন আছিল ৪,৬৫,৯৫০ টকা। ২০১৯-২০ বৰ্ষত, এই উপাৰ্জন আছিল ৪,১৬,০৬০ টকা, আনহাতে ২০১৮-১৯ বৰ্ষত, তেওঁৰ বাৰ্ষিক উপাৰ্জন আছিল ৩,৭৩,০১০ টকা। বাৰ্ষিক উপাৰ্জনৰ ক্ষেত্ৰত বিপ্লব দেৱৰ পত্নী তেওঁতকৈ আগবাঢ়ি আছে।

২০২২-২৩ বৰ্ষত, তেওঁৰ পত্নীৰ উপাৰ্জন আছিল ১০ লাখ ৪২ হাজাৰ ৬২০ টকা, আনহাতে ২০২১-২২ চনত আছিল ১১লাখ ১৪ হাজাৰ ৮২০ টকা। ২০২০-২১ বৰ্ষত, তেওঁৰ উপাৰ্জন আছিল ১৭ লাখ ৯২ হাজাৰ ৪১০ টকা। ২০১৯-২০ বৰ্ষত বিপ্লব দেৱৰ পত্নীয়ে ৯,৫৯,০৮০ টকা উপাৰ্জন কৰিছিল আৰু ২০১৮-১৯ বৰ্ষত তেওঁ ৮,৪৫,৩৯০ টকা উপাৰ্জন কৰিছিল।