বিশ্বত ব্যৱসায়িক বৃদ্ধিৰ বাবে ভাৰতত উপস্থিতি শক্তিশালী কৰিছে ৰেনল্ট গ্ৰুপে

ৰেনল্ট গ্ৰুপে নিছানৰ ৫১% অংশীদাৰিত্ব ক্ৰয় কৰি চেন্নাইস্থিত ৰেনল্ট নিছান অটোমোটিভ ইণ্ডিয়া প্ৰাইভেট লিমিটেড(আৰএনএআইপিএল) প্লাণ্টৰ সম্পূৰ্ণ মালিকীস্বত্ব লাভ কৰিছে, যি আন্তঃৰাষ্ট্ৰীয় সম্প্ৰসাৰণ কৌশলৰ এক গুৰুত্বপূৰ্ণ পদক্ষেপ হিচাপে চিহ্নিত হৈছে। ভাৰত বিশ্বৰ তৃতীয় বৃহত্তম অট’ম’টিভ বজাৰ হোৱাৰ লগে লগে প্ৰতিষ্ঠানটোৱে ২০২৭ চনৰ আন্তঃৰাষ্ট্ৰীয় গেম প্লেনত ভাৰতক কেন্দ্ৰীয় প্ৰান্ত হিচাপে চিহ্নিত কৰি স্থানীয় বিক্ৰী আৰু ৰপ্তানি দুয়োটাকে শক্তিশালী কৰাৰ লক্ষ্য লৈছে।
ফ্ৰান্সৰ বাহিৰত শেহতীয়াকৈ ৰেনল্টৰ সৰ্ববৃহৎ ডিজাইন চেণ্টাৰৰ উদ্বোধন আৰু ভাৰতীয় বজাৰৰ বাবে প্ৰস্তুত কৰা ৪টা নতুন মডেলৰ ভিতৰত প্ৰথমটো নতুন ৰেনল্ট ট্ৰাইবাৰ মুকলিৰ পিছতে এই পদক্ষেপ হাতত লোৱা হৈছে। এই ৰূপান্তৰৰ পথ প্ৰদৰ্শনৰ বাবে ২০২৫ চনৰ ১ ছেপ্টেম্বৰৰ পৰা ভাৰতত ৰেনল্ট গ্ৰুপৰ নতুন মুখ্য কাৰ্যবাহী বিষয়া হিচাপে ষ্টেফেন ডে’ব্লেইজক নিযুক্তি দিয়া হৈছে।
গুৱাহাটীৰ অট’ বজাৰখনে এই পদক্ষেপক আঞ্চলিক ডিলাৰশ্বিপ আৰু যোগান শৃংখলৰ বাবে এক ইতিবাচক প্ৰচেষ্টা হিচাপে গণ্য কৰিছে। চহৰখনৰ ব্যৱসায়ীসকলে বিশেষকৈ ভাৰত-কেন্দ্ৰিক ডিজাইন আৰু ৰপ্তানিৰ প্ৰতি ৰেনল্টৰ সমৰ্পণৰ সৈতে উন্নত মডেলৰ উপলব্ধতা আৰু গ্ৰাহকৰ আগ্ৰহ বৃদ্ধিৰ আশা কৰিছে। এই সম্প্ৰসাৰণে উত্তৰ-পূবৰ বজাৰত প্ৰতিযোগিতামূলক মূল্য আৰু নতুন বিনিয়োগৰ সূচনা কৰিব বুলি আশা কৰা হৈছে।
ৰেনল্টে সম্পূৰ্ণ নিয়ন্ত্ৰণ লাভ কৰাৰ পিছতো নিছানৰ সৈতে সহযোগিতা অব্যাহত ৰাখিব, আৰএনএআইপিএলে নিছান মডেলৰ উৎপাদন অব্যাহত ৰাখিব। এই পদক্ষেপে ৰেনল্টৰ বিশ্ব দৃষ্টিভংগী আৰু উদ্ভাৱন অভিযানত ভাৰতৰ কৌশলগত গুৰুত্বক সুদৃঢ় কৰিছে।