ৰাজ্যসভাৰ সভাপতি জগদীপ ধনখড়ৰ বিৰুদ্ধে বিৰোধীৰ অনাস্থা প্ৰস্তাৱ

সংসদৰ শীতকালীন অধিৱেশনৰ ১১তম দিনা অৰ্থাৎ মঙলবাৰে ‘ইণ্ডিয়া’ মহাযোঁটে ৰাজ্যসভাৰ সভাপতি জগদীপ ধনখড়ৰ বিৰুদ্ধে অনাস্থা প্ৰস্তাৱ উত্থাপন কৰে। তেওঁক ৰাজ্যসভাৰ সভাপতি পদকৰ পৰা আঁতৰোৱাৰ বাবে এই প্ৰস্তাৱ উত্থাপন কৰে বিৰোধীয়ে।

বিৰোধী সাংসদসকলে ধনখড়ৰ বিৰুদ্ধে ৰাজ্যসভাৰ সাধাৰণ সম্পাদক পিচি মোদীক অনাস্থা প্ৰস্তাৱৰ জাননী প্ৰদান কৰে। জাননীখনত কংগ্ৰেছ, টিএমচি, আপ, এছপি, ডিএমকে, চিপিআই, চিপিআই-এম আৰু আৰজেডিকে ধৰি কেইবাটাও দলৰ ৬০ জন সাংসদে স্বাক্ষৰ কৰিছে। বিৰোধীয়ে ধনখড়ক পক্ষপাতিত্বৰে সদন চলোৱাৰ অভিযোগ উত্থাপন কৰিছে। একে সময়তে, মঙলবাৰে পুৱা ১১ বজাত দুয়োখন সদনৰ কাৰ্যক্ৰম আৰম্ভ হয়।

পূৰ্বৰ দৰে হুলস্থূলৰ পিছত লোকসভা প্ৰথমে দুপৰীয়া ১২ বজালৈ স্থগিত ৰখা হৈছিল। দুপৰীয়া ১২ বজাত কাৰ্যক্ৰম আৰম্ভ হোৱাৰ পিছতো আদানি-জৰ্জ চোৰোছ বিষয়টোক লৈ হুলস্থূল অব্যাহত আছিল যাৰ বাবে অধ্যক্ষই বুধবাৰৰ বাবে সদন স্থগিত ৰাখে। হুলস্থূলৰ বাবে, ৰাজ্যসভাৰ কাৰ্যক্ৰম বুধবাৰৰ বাবে স্থগিত ৰখা হয়।