নগাঁও জিলাৰ মৰিকলঙত সংঘটিত হৈছে এক ভয়ংকৰ ডকাইটিৰ ঘটনা

নগাঁও জিলাৰ মৰিকলঙত সংঘটিত হৈছে এক ভয়ংকৰ ডকাইটিৰ ঘটনা। সূত্ৰৰ খবৰ অনুসৰি, শিক্ষা বিভাগৰ অৱসৰপ্ৰাপ্ত কৰ্মচাৰী দম্পতীক ছুৰীৰে আক্ৰমণ কৰি লুটি নিয়ে ধন।জানিব পৰা মতে,নগাঁও চহৰৰ সমীপৰ মৰিকলঙৰ হৰেন্দ্ৰ নাথ বৰা আৰু দিপ্তী বৰা ঘৰত সংঘটিত হৈছে এই জঘন্য ঘটনা।লোকজনৰ ছুৰীৰ আক্ৰমণত গুৰুতৰভাৱে আঘাতপ্ৰাপ্ত হয় হৰেন্দ্ৰ নাথ বৰা আৰু দিপ্তী বৰা। বৰ্তমান দুয়োগৰাকী চিকিৎসাধীন হৈ আছে বুলি জানিব পৰা গৈছে।উল্লেখ্য যে,অকলশৰীয়া দম্পতীৰ ঘৰত কেয়াৰটেকাৰ হিচাপে থকা প্ৰভাত হাজৰিকা নামৰ এজন লোকে এই ডকাইতিৰ ঘটনা সংঘটিত কৰি পলায়ন কৰাৰ অভিযোগ উত্থাপন হৈছে। প্ৰভাত হাজৰিকা পূৰ্বে দম্পতীৰ কেয়াৰটেকাৰ হিচাপে আছিল।