নাগালেণ্ড আৰু অৰুণাচল প্ৰদেশত আৰু ছয় মাহলৈ বৃদ্ধি সশস্ত্ৰ বাহিনীৰ বিশেষ ক্ষমতা আইনৰ ম্যাদ

নাগালেণ্ডৰ আঠখন জিলা, অৰুণাচল প্ৰদেশৰ তিনিখন আৰু আন কেইটামান অঞ্চলত আইন-শৃংখলা পৰিস্থিতিৰ পৰ্যালোচনা কৰাৰ পিছত সশস্ত্ৰ বাহিনী (বিশেষ ক্ষমতা) আইন (আফ্চা) আৰু ছয় মাহলৈ বৃদ্ধি কৰা হৈছে। তাত সশস্ত্ৰ বাহিনীৰ চলাচলৰ সুবিধাৰ বাবে এই বিশেষ ক্ষমতা আইনৰ অধীনত এটা এলেকা বা জিলাক অশান্ত এলেকা হিচাপে জাননী দিয়া হয়। সশস্ত্ৰ বাহিনীৰ বিশেষ ক্ষমতা আইনৰ অধীনত, অশান্ত এলেকাত নিয়োজিত সশস্ত্ৰ বাহিনীয়ে “আইন-শৃংখলা বজাই ৰখাৰ” বাবে প্ৰয়োজন হ’লে অনুসন্ধান, গ্ৰেপ্তাৰ আৰু গুলী চালনাৰ ব্যাপক ক্ষমতা লাভ কৰে।

এক জাননীত কেন্দ্ৰীয় গৃহ মন্ত্ৰালয়ে কয় যে কেন্দ্ৰীয় চৰকাৰে সশস্ত্ৰ বাহিনী (বিশেষ ক্ষমতা) আইন, ১৯৫৮ৰ ধাৰা ৩ ৰ দ্বাৰা প্ৰদান কৰা ক্ষমতা ব্যৱহাৰ কৰি ২০২৪ চনৰ ১ এপ্ৰিলৰ পৰা কাৰ্যকৰী হোৱাকৈ আঠখন জিলা আৰু নাগালেণ্ডৰ আন পাঁচখন জিলাৰ ২১ খন আৰক্ষী থানা অঞ্চলক ছয় মাহৰ বাবে ‘অশান্ত অঞ্চল’ হিচাপে ঘোষণা কৰিছে। গৃহ মন্ত্ৰালয়ে কয় যে নাগালেণ্ডৰ আইন-শৃংখলা পৰিস্থিতি পুনৰীক্ষণ কৰা হৈছিল। আন এক জাননীত গৃহ মন্ত্ৰালয়ে কয় যে কেন্দ্ৰীয় চৰকাৰে ১ এপ্ৰিল, ২০২৪ ৰ পৰা কাৰ্যকৰী হোৱাকৈ অসমৰ সীমান্তৱৰ্তী অৰুণাচল প্ৰদেশৰ নামচাই জিলাৰ নামচাই, মহাদেৱপুৰ আৰু চাউখাম আৰক্ষী থানা অঞ্চলৰ তিৰাপ, চাংলাং আৰু লংডিং জিলাৰ অন্তৰ্গত অঞ্চলসমূহক ‘অশান্ত অঞ্চল’ হিচাপে ঘোষণা কৰিছে।

জাননীখনত কোৱা হৈছে যে অৰুণাচল প্ৰদেশৰ আইন-শৃংখলা পৰিস্থিতিৰ পুনৰীক্ষণ কৰা হৈছে। এতিয়া অৰুণাচল প্ৰদেশৰ তিৰাপ, চাংলাং আৰু লংডিং জিলাৰ আৰক্ষী থানা অঞ্চল আৰু অসমৰ সীমান্তৱৰ্তী নামচাই জিলাৰ নামচাই, মহাদেৱপুৰ আৰু চাউখাম আৰক্ষী থানাসমূহক ১ অক্টোবৰ, ২০২৪ ৰ পৰা সশস্ত্ৰ বাহিনী (বিশেষ ক্ষমতা) আইন, ১৯৫৮ৰ ধাৰা ৩ ৰ অধীনত ছয় মাহৰ বাবে ‘অশান্ত অঞ্চল’ হিচাপে ঘোষণা কৰা হৈছে।