২০২৬ৰ টি-২০ বিশ্বকাপৰ বাবে ভাৰত ভ্ৰমণ নকৰে পাকিস্তানে

২০২৬ চনৰ আইচিচি টি-২০ বিশ্বকাপ ভাৰত আৰু শ্ৰীলংকাই আয়োজন কৰিব। এই প্ৰতিযোগিতাৰ সন্দৰ্ভত, পাকিস্তানৰ পৰা স্পষ্ট কৰি দিয়া হৈছে যে তেওঁলোকে ভাৰত ভ্ৰমণ নকৰে। পাকিস্তান ক্ৰিকেট ব’ৰ্ডে ইয়াৰ চৰ্ত বিশেষ ধৰণে উত্থাপন কৰিছে। টীম ইণ্ডিয়াই ২০২৫ চনত খেলিবলগীয়া চেম্পিয়নছ ট্ৰফীৰ বাবে পাকিস্তান ভ্ৰমণ নকৰে। সেইবাবে তেওঁলোকেও ২০২৬ চনৰ আইচিচি টি-২০ বিশ্বকাপৰ বাবে ভাৰত ভ্ৰমণ নকৰে।

প্ৰকাশিত এক প্ৰতিবেদন অনুসৰি  টীম ইণ্ডিয়াই চেম্পিয়নছ ট্ৰফীৰ বাবে পাকিস্তান ভ্ৰমণ নকৰে। পাকিস্তান ব’ৰ্ডে হাইব্ৰিড মডেলৰ অধীনত চেম্পিয়নছ ট্ৰফী আয়োজনত সন্মত হৈছে, য’ত ভাৰতৰ মেচবোৰ ডুবাইত অনুষ্ঠিত হ’ব। ইতিমধ্যে পুৰ্বেও সংবাদ মাধ্যমৰ প্ৰতিবেদনত উল্লেখ কৰা হৈছিল যে পাকিস্তান ব’ৰ্ডে চেম্পিয়নছ ট্ৰফীৰ হাইব্ৰিড মডেলৰ ওপৰত সন্মত হৈছে। কিন্তু তেওঁলোকে পৰবৰ্ত্তী আইচিচি ইভেণ্টত ভাৰত ভ্ৰমণ নকৰে।

এতিয়া আইচিচিয়ে পিচিবিৰ এই চৰ্তটো স্বীকাৰ কৰিছে। পাকিস্তান দলটোৱে ২০২৬ চনত অনুষ্ঠিত হ’বলগীয়া টি-২০বিশ্বকাপৰ বাবে ভাৰত ভ্ৰমণ নকৰে।প্ৰতিযোগিতাখনত, পাকিস্তান দলে কলম্বোত তেওঁলোকৰ লীগ মেচ খেলিব। অৱশ্যে, প্ৰতিযোগিতাখনৰ নকআউট মেচবোৰ ক’ত অনুষ্ঠিত হ’ব সেই বিষয়ে কোনো স্পষ্টতা নাছিল।