সুস্থিৰ ইন্ধন বিক্ৰী, ৬২.৮৩ লাখ এলপিজি ডেলিভাৰীৰ কথা সদৰি কৰিছে এইচপিচিএলে; কঠোৰ পদক্ষেপে শক্তিশালী কৰিছে বজাৰৰ অনুশাসন

হিন্দুস্তান পেট্ৰলিয়াম কৰ্পৰেচন লিমিটেড(এইছপিচিএল)-এ সমগ্ৰ দেশতে নিৰৱচ্ছিন্ন ইন্ধন আৰু এলপিজি যোগান অব্যাহত ৰাখিছে, যিসমূহ মূলতঃ শক্তিশালী যোগান শৃংখল আৰু তীব্ৰ বলৱৎকাৰী ব্যৱস্থাৰ দ্বাৰা সমৰ্থিত। ১ আৰু ৫ এপ্ৰিলৰ ভিতৰত এইচপিচিএলে ১৩২.৮১ টিএমটি পেট্ৰল (এমএছ) আৰু ২৭৭.৬৪ টিএমটি ডিজেল (এইচএছডি)ৰ নজেল বিক্ৰীৰে অভিলেখ গঢ়িছে, যিয়ে অবিৰত ব্যৱহাৰৰ ধাৰাক প্ৰতিফলিত কৰিছে। নিৰৱচ্ছিন্ন বিতৰণ নিশ্চিত কৰিবলৈ দেশজুৰি এমএছ, এইচএছডি আৰু পিডিএছ এছকেঅ’ কঢ়িয়াই নিয়া ৩০,৯৯৪খন টেংকাৰ প্ৰেৰণ কৰা হৈছিল।
এলপিজি শিতানত কোম্পানীটোৱে একে সময়ছোৱাত ৬২.৮৩ লাখ চিলিণ্ডাৰ যোগান ধৰাৰ লগতে প্ৰব্ৰজিত শ্ৰমিক আৰু অৰ্থনৈতিকভাৱে দুৰ্বল বা পিছপৰা অংশৰ বাবে শেষ মাইলত উপলব্ধতা বৃদ্ধি কৰাৰ বাবে ৫ কেজিৰ ১,০৫,১৮৩টা ফ্ৰী ট্ৰেড এলপিজি চিলিণ্ডাৰ আৰু ২ কিলোগ্ৰামৰ ১০,১৮৭ চিলিণ্ডাৰ যোগান ধৰিছিল। ডিজিটেল ব্যৱহাৰ বৃদ্ধি হৈয়েই আছে, ৫ এপ্ৰিলত আইভিআৰএছ, এছএমএছ, এইচপি পে আৰু হোৱাটছএপৰ দৰে প্লেটফৰ্মৰ জৰিয়তে ৯৬.৪% এলপিজি বুকিং কৰা হৈছিল, যিসমূহ ডিএচি/অ’টিপি ভিত্তিক ডেলিভাৰী প্ৰমাণীকৰণৰ দ্বাৰা সমৰ্থিত।
এইচপিচিএলে জালিয়াতি বা অবৈধ লেনদেনৰ বিৰুদ্ধে তদাৰকী শক্তিশালী কৰি ১৪ মাৰ্চৰ পৰা ৫ এপ্ৰিলৰ ভিতৰত ৪,১১০ বাৰ পৰিদৰ্শন চলাইছিল, য’ত ২২গৰাকীক নিলম্বনকে ধৰি ৫৫জন বিতৰকৰ বিৰুদ্ধে ব্যৱস্থা গ্ৰহণ কৰিছিল। আন সংস্থাসমূহৰ সমন্বয়ত ৬৫৬ বাৰ অভিযান চলোৱাৰ লগতে ৪০টা গোচৰ ৰুজু কৰা হৈছে আৰু ৩১৬৩টা এলপিজি চিলিণ্ডাৰ জব্দ কৰা হয়।
গুৱাহাটী মহানগৰীত স্থিৰ ইন্ধন যোগান আৰু উচ্চ এলপিজি ডেলিভাৰীৰ পৰিমাণে সমগ্ৰ খুচুৰা বিপণীসমূহত সুস্থিৰ উপলব্ধতা নিশ্চিত কৰিছে, যাৰ ফলত মূল্যৰ অস্থিৰতা আৰু যোগানৰ ব্যাঘাত ৰোধ হৈছে। বৰ্ধিত ডিজিটেল বুকিঙেও অঞ্চলটোত চাহিদা পূৰণত সহায় কৰিছে, গ্ৰাহকৰ বাবে দক্ষতা আৰু স্বচ্ছতা বৃদ্ধি কৰাৰ লগতে অসমৰ সৰ্ববৃহৎ ইন্ধনৰ বজাৰত ধাৰাবাহিক চাহিদাক সমৰ্থন কৰিছে।