একেৰাহে দ্বিতীয়বাৰলৈ মহিলা ইউৰো কাপৰ চেম্পিয়ন ইংলেণ্ড

ইংলেণ্ডৰ মহিলা ফুটবল দলে দেওবাৰে ইউএফএ মহিলা ইউৰো ২০২৫ৰ ফাইনেলত পেনাল্টি শ্বুটআউটত স্পেইনক ৩-১ গ’লত পৰাস্ত কৰি খিতাপ দখল কৰে। ইংলেণ্ডে একেৰাহে দ্বিতীয়বাৰৰ বাবে ইউৰো কাপৰ খিতাপ দখল কৰিবলৈ সক্ষম হৈছে। নিয়মীয়া সময় আৰু অতিৰিক্ত সময়ৰ পিছত ১-১ গ’লত খেলখন সমাপ্ত হয়, তাৰ পিছত পেনাল্টি শ্বুটআউটৰ জৰিয়তে সিদ্ধান্ত লোৱা হয়।

খেলখনৰ ২৫ মিনিটত অনা বাটলেৰ ক্ৰছৰ পৰা মাৰিঅ’না কেলডেণ্টেইৰ হেডাৰৰ জৰিয়তে স্পেইনে অগ্ৰগতি লাভ কৰে। এই সময়ছোৱাত ইংলেণ্ডৰ ডিফেন্সে সম্পূৰ্ণৰূপে নিৰ্দিষ্ট স্থান হেৰুৱাই পেলোৱাৰ বাবে গ’লৰক্ষক হান্না হেম্পটনে বলটোক বাধা দিব নোৱাৰিলে।

দ্বিতীয়াৰ্ধত ইংলেণ্ডে উভতি আহি ৫৭ মিনিটত ক্ল’ কেলিৰ সুন্দৰ ক্ৰছৰ পৰা এলেছিয়া ৰুছ’ই হেডাৰেৰে গ’ল দি স্ক’ৰ ১-১ কৰে। গোটেই মেচখনত স্পেইনে বলৰ দখল নিয়ন্ত্ৰণ কৰি অহৰহ হেঁচা প্ৰয়োগ কৰিছিল যদিও ইংলেণ্ডৰ সুন্দৰ প্ৰদৰ্শনৰ বাবে অতিৰিক্ত সময়লৈকে আৰু গ’ল দিব পৰা নাছিল।১৯৮৪ চনত উদ্বোধনী সংস্কৰণৰ পিছত ইউএফএ মহিলা ইউৰোৰ ফাইনেলত প্ৰথমবাৰৰ বাবে পেনাল্টি শ্বুটআউটৰ সিদ্ধান্ত লোৱা হয়। সেই সময়ত ইংলেণ্ডে ছুইডেনৰ হাতত পৰাজয়ৰ সন্মুখীন হ’বলগীয়া হৈছিল যদিও এইবাৰ ইংৰাজ দলটোৱে ইতিহাসৰ সৃষ্টি কৰে।