বিজনোৰৰ যুৱক-যুৱতীসকলক কৰি তোলা হৈছে সবল: কৌশল মহোৎসৱত ৪৪০০গৰাকীয়ে লাভ কৰিলে চাকৰিৰ অফাৰ

কেন্দ্ৰীয় দক্ষতা বিকাশ আৰু উদ্যমিতা বিভাগৰ স্বতন্ত্ৰ ৰাজ্যিক মন্ত্ৰী জয়ন্ত চৌধুৰীৰ নেতৃত্বত আয়োজিত বিজনোৰ কৌশল মহোৎসৱৰ আজি সফল সামৰণি পৰে। এই অনুষ্ঠানত দক্ষতা বিকাশৰ পদক্ষেপসমূহৰ জৰিয়তে স্থানীয় যুৱক-যুৱতীসকলক সৱলীকৰণৰ বাবে চৰকাৰৰ দায়বদ্ধতা প্ৰদৰ্শন কৰা হয়। এমাহজোৰা নিয়োগ প্ৰস্তুতি কাৰ্যসূচীৰ বাবে ১৩,৫০০ৰো অধিক যুৱকে পঞ্জীয়ন কৰিছিল, এইসকলৰ মাজৰ পৰা ৩,৫০০ প্ৰাৰ্থীয়ে অবিৰত প্ৰশিক্ষণ আৰু কেৰিয়াৰ পৰামৰ্শৰ পিছত চাকৰিৰ অফাৰ লাভ কৰে।

প্ৰায় ৬,০০০ অংশগ্ৰহণকাৰীক আকৰ্ষিত কৰা এই উৎসৱৰ সময়ত প্ৰায় ৯০০ অন-দ্য-স্পট চাকৰিৰ অফাৰ প্ৰদান কৰা হৈছিল। ফ্লিপকাৰ্ট, বাৰ্গাৰ কিং আৰু জেপ্ট’কে ধৰি প্ৰধান আগশাৰীৰ কোম্পানীসমূহে এক বৈচিত্ৰ্যপূৰ্ণ প্ৰতিভা পুলৰ পৰা নিযুক্তিৰ বাবে নিৰ্বাচিত কৰিছিল, যাৰ ফলত তথ্য প্ৰযুক্তি, লজিষ্টিক আৰু পৰ্যটনৰ দৰে খণ্ডত নিযুক্তিৰ সম্ভাৱনা বৃদ্ধি হৈছিল। এই পদক্ষেপৰ লক্ষ্য কেৱল স্থানীয় নিযুক্তি বৃদ্ধি কৰাই নহয় লগতে, কৰ্মশক্তি বিকাশৰ ক্ষেত্ৰত বিজনৌৰক এক গুৰুত্বপূৰ্ণ ক্ষেত্ৰ হিচাপেও প্ৰতিষ্ঠা কৰা।

বিজনোৰৰ আৰ্হি অনুসৰণ কৰি গুৱাহাটীৰ লগতে সমগ্ৰ ৰাজ্যখনে যথেষ্ট লাভান্বিত হ’ব পাৰে। বৰ্ধিত নিয়োগৰ সুযোগ গ্ৰহণ কৰি এনে পদক্ষেপৰ পৰা দক্ষ কৰ্মচাৰী উদ্ভৱ হোৱাৰ লগে লগে স্থানীয় ব্যৱসায়সমূহে প্ৰতিভাৰ এক আকৰ প্ৰস্তুত হ’ব, এই প্ৰতিভাই যোগ্যতা অনুসৰি চাহিদা পূৰণ কৰি নতুন পৰিৱেশ সূচনা কৰিব পাৰে, যাৰ লগে লগে অঞ্চলটোৰ অৰ্থনৈতিক বিকাশ ত্বৰান্বিত হ’ব। মন্ত্ৰী চৌধুৰীয়ে এনে দিশত গুৰুত্ব আৰোপ কৰি কয় যে, “আমাৰ চৰকাৰ বিজনোৰৰ প্ৰতিজন যুৱক-যুৱতীক প্ৰতিযোগিতামূলক অৰ্থনীতিৰ বাবে অত্যাৱশ্যকীয় দক্ষতাৰে সজ্জিত কৰিবলৈ প্ৰতিশ্ৰুতিবদ্ধ আৰু ইতিমধ্যে বহু পদক্ষেপ হাতত লৈছে।”