ৰাষ্ট্ৰীয় আলমণ্ড দিৱসৰ প্ৰাক ক্ষণত কেলিফৰ্ণিয়াৰ আলমণ্ডৰ স্বাস্থ্যজনিত লাভালাভৰ ওপৰত আলোকপাত

২৩ জানুৱাৰীৰ ৰাষ্ট্ৰীয় আলমণ্ড দিৱসৰ প্ৰাকক্ষণত আলমণ্ডৰ অজস্ৰ স্বাস্থ্য উপকাৰিতাৰ ওপৰত আলোকপাত কৰা হৈছে, আলমণ্ড হৈছে বিজ্ঞান আৰু পৰম্পৰাৰে সমৃদ্ধ এক চুপাৰ ফুড। আইচিএমআৰ-এনআইএনৰ খাদ্য নিৰ্দেশনাৰ পৰামৰ্শৰ লগতে ২০০ৰো অধিক বৈজ্ঞানিক অধ্যয়নে মেগনেছিয়াম, প্ৰটিন, ভিটামিন ই-কে ধৰি ১৫টা প্ৰয়োজনীয় পুষ্টিকৰ পদাৰ্থৰে ভৰপূৰ শক্তিশালী কেলিফৰ্ণিয়া আলমণ্ডৰ পুষ্টিৰ দক্ষতা-শক্তিক উজ্বল কৰি তুলিছে।

নতুন দিল্লীৰ মেক্স হেল্থকেয়াৰৰ ডায়েটেটিক্স বিভাগৰ আঞ্চলিক মুৰব্বী ঋত্বিকা সমাদ্দাৰে আলমণ্ডৰ কম লোকে জনা বা স্বল্পখ্যাত সুবিধাসমূহৰ ওপৰত গুৰুত্ব আৰোপ কৰিছে। ইয়াৰ ভিতৰত পেশীৰ ৰক্ষণাবেক্ষণত আলমণ্ডৰ ভূমিকা, উচ্চ প্ৰটিন আৰু ভিটামিন বি২ আৰু মেগনেছিয়ামৰ দৰে পুষ্টিকৰ পদাৰ্থৰ জৰিয়তে খাদ্যক ইন্ধনলৈ ৰূপান্তৰিত কৰি শক্তিৰ মাত্ৰা বৃদ্ধি কৰাৰ সামৰ্থ্যও আছে। আলমণ্ডে এলডিএল কলেষ্টেৰল হ্ৰাস, প্ৰদাহ হ্ৰাস আৰু তেজত শৰ্কৰাৰ উন্নত ব্যৱস্থাপনাত সহায় কৰি হৃদযন্ত্ৰ ভালে ৰখাতো সহায় কৰে।

গ্ৰাহকসকলে স্বাস্থ্য সচেতন হৈ ক্ৰমান্বয়ে অগ্ৰাধিকাৰ দিয়াৰ লগে লগে স্থানীয় বজাৰত আলমণ্ডৰ চাহিদা বৃদ্ধি পাইছে, বিশেষকৈ মানুহৰ ৰোগ প্ৰতিৰোধ ক্ষমতা বৃদ্ধি আৰু ওজন-ব্যৱস্থাপনাৰ লাভালাভৰ বাবে ইয়াক অধিক গ্ৰহণ কৰিবলৈ লৈছে। উজ্বল ছালৰ পৰা আৰম্ভ কৰি উন্নত হৃদপিণ্ডৰ স্বাস্থ্যলৈকে আলমণ্ড হৈছে সন্তুলিত আহাৰত কম পৰিমাণে কিন্তু প্ৰভাৱশালী সংযোজন। এটা স্বাস্থ্যকৰ ভৱিষ্যতৰ বাবে আপোনাৰ দৈনন্দিন ৰুটিনত কেইটামান আলমণ্ড যোগ কৰি ৰাষ্ট্ৰীয় আলমণ্ড দিৱস উদযাপন কৰক।